गायनमा भविष्य खोज्दै इरानी

गाउँबाट संघर्ष गर्दै राजधानी अाइपुगेकि इरानी सुन्दरी देउडा हुँदै समग्र सांगितिक क्षेत्रको एक नक्षेत्र बनुन्,

२०६७ सालमा बरिष्ठ रंगकर्मी सुनिल पोखरेलको पहलमा कर्णालीका युवाहरु नाटक मञ्चन गर्ने सपना बुन्दै काठमाण्डु आइपुग्यो । उक्त नाट्य समुहको एक सदस्य थिइन् नातिनीको भूमिकामा रहेकि इरानी सुन्दरी भाम । हरेक हप्तामा १ दिन नाटक मञ्चन हुन्थ्यो । नाटकको नाम थियो ‘सुइना कर्नालीका’ । ‘सुइना कर्नालीका’मा नातिनीको भूमिकामा रहेकि १३ बर्षिया इरानीले नाटकको अन्त्यमा सुरिलो भाकामा देउडा गित गाएकि थिइन् ।

 

भोट्या दाईले भान्सा लायो कर्नाली छालथी !
दया छैन भगवान्थी, टिठ् छैन कालथी !!

 

खासमा यहि गितबाट सम्भावित गायिकाको परिचय बनाएकि मुगुकी इरानीको जिन्दगीमा केहि उपलब्धी पनि भयो । इरानीको सुमधुर स्वरबाट प्रभावित भएर एक शिक्षकको सहयोगमा इरानीले सदरमुकाममा रहेको बोर्डिङ स्कुलमा कक्षा ८ देखि १० सम्म निःशुल्क पढ्ने अवसर पाइन् ।

 

सुमधुर स्वरकी धनी इरानीले कक्षा ३ मा पढ्दै गर्दा पहिलोपल्ट गायनको अवसर पाएकि थिइन्, त्यो पनि शिक्षा दिवसको सन्दर्भ र गायन प्रतियोगितामा । निरन्तर विभिन्न प्रतियोगितामा गाउने अवसर त पाइन तर खास पहिचान बनेको थिएन र विचमा उनि विविध कारणवस गायनबाट टाढा रहिन् पनि । पछिल्लो १ बर्ष देखि फेरि सांगितिक क्षेत्रमा छाइन् ।

इरानीले जुम्लाका अर्जुन खत्री न्यौपानेको शब्द र पदम रोकायाको लयमा पहिलोपल्ट २०७३ फागुनमा ‘मनमा शान्ति छाउँदै छाउँदैन’ बोलको लोक दोहोरी गित गाउने सौभाग्य पाइन् । अडियोको रुपमा मात्र प्रकाशित यो गितले पन िइरानीको गायकिपनलाई झल्काएको थियो । भने त्यसपछि गाइएको औपचारिक पहिलो देउडा गित ‘झल्का रया बुका’ले समग्र देउडा गायनमा नयाँपन नै ल्याएको थियो र गायिका इरानी सुन्दरी भामको पहिचान पनि बनाइन् र परिवारले पनि पूर्णत साथ दिने वातावरण बन्यो ।
जबकि ‘झल्का रया बुका’को रेकर्डिङ, काठमाण्डुको आधुनिक रेकर्डिङ स्टुडियोमा नभई फर्पिङको डाँडामा गाइएको थियो । खुला चौरमा गाउँदा गाउँदै भिडियो पनि छायांकन गरिएको थियो । जुन भिडियो सामाजिक सञ्जालमा पनि भाइरल भएको थियो ।

 

पछिल्लो समय कर्णाली र कर्णाली बाहिरका विभिन्न सांगितकि कार्यक्रममा सहभागी भई आफ्नो प्रस्तुति दिन तल्लिन इरानी आफ्नो सांगितिक भविष्यका बारेमा चिन्तित र प्रफुल्लित पनि छिन् । छोटो अवधिको मेहनतले पाएको उपलब्धिप्रति प्रफुल्लित छिन् भने कतै सामाजिक कारणले उपलब्धि गुम्ने पो हो कि भनेर चिन्तित पनि छिन् ।

 

जे होस्, भर्खर बिस नाघेकि सुमधुर स्वरकि धनी इरानीको सांगितिक भविष्य उज्जल हनु कुरामा संका छैन तर यहि उपलब्धिमै सिमित रहने विडम्वना भयो भने चाहिँ देउडा क्षेत्रका लागि पनि दुखद हुनेछ । दुर्गम मुगुकाे याैटा गाउँबाट संघर्ष गर्दै राजधानी अाइपुगेकि इरानी सुन्दरी देउडा हुँदै समग्र सांगितिक क्षेत्रको एक नक्षेत्र बनुन्, पाइला निरन्तर अघि बढुन् । द्रुत गतिमा अघि बढिरहेकि इरानीलाई पनि हाम्रो हार्दिक शुभकामना ।