सरकारले मिडिया काउन्सिल विधेयक फिर्ता नलिए सशक्त आन्दोलन गर्ने चेतावनी :महासचिव वैद्य

काठमाडौँ, जेठ ४। नेपाल कम्युनिष्ट पार्टी (क्रान्तिकारी) माओवादीका महासचिव मोहन वैद्यले सरकारको कामगर्ने शैली ठिक नभएको बताउनुभएको छ । सरकारले संसद्मा दर्ता गरेको मिडिया काउन्सिल विधेयकको विरोधका लागि ऐक्यबद्धता जनाऊन आयोजना गरिएको अन्तर्क्रिया कार्यत्रममा उहाँले जनतालाई झुक्याउन सरकार समाजवादतर्फ उन्मुख भएको आरोप लगाउनुभयो । नेता वैद्यले लेखेकै भरमा पत्रकारलाई थुनछेक गर्ने, जेल हाल्ने र अभिव्यक्ति स्वतन्त्रतालाई अङ्कुश लगाउन दर्ता गरिएको मिडिया काउन्सिल विधेयक फिर्ता नभए सशक्त आन्दोलन गर्ने चेतावनी दिनुभयो ।

 

राष्ट्रिय जनमोर्चा नेपालका अध्यक्ष चित्रबहादुर केसीले लोकतान्त्रिक व्यवस्थामा प्रेसलाई स्वतन्त्र हुनबाट अङ्कुश लगाउने कार्य निरङ्कुश भएको बताउनुभयो । उहाँले संसद्मा दर्ता भएको मिडिया काउन्सिल विधेयक फिर्ता नभए पत्रकारको आन्दोलनमा आफ्नो पार्टी सहभागी हुने धारणा राख्नुभयो ।

 

कार्यक्रममा नेपाल पत्रकार महासङ्घका पूर्वसभापति डा सुरेश आचार्य, नेपाल प्रेस युनियनका वरिष्ठ उपाध्यक्ष दीपक आचार्य, जनपत्रकार मञ्चका अध्यक्ष प्रकाश डुम्रे, समाजवादी पार्टीका केन्द्रीय सदस्य भगवती सुवेदी, कानून व्यवसायी सुनिल रञ्जन सिंह, एकराज भण्डारीलगायतले संसद्मा दर्ता भएको मिडिया काउन्सिल विधेयक फिर्ता लिनुपर्ने बताउनुझयो । कार्यक्रममा हालै जेलमुत्त हुनुभएका पक्रकार जितेन्द्र महर्जनलाई सम्मान गरिएको थियो । त्रान्तिकारी पत्रकार महासङ्घ, प्रगतिशील पत्रकार सङ्घ, नेपाल जनपत्रकार सङ्गठन, नेपाल प्रेस सोसाइटी र मधेशी पत्रकार मञ्च, नेफालको संयुक्त आयोजनामा सो अन्तर्त्रिया कार्यक्रम गरिएको थियो । रासस