सुनको भाउ अहिलेसम्मकै महँगो तोलाको ६६ हजार नाघ्यो, कारोबार बन्द
काठमाडौं,साउन १९ । नेपाली बजारमा सुनको कारोबार बन्द भएको छ । सुनको भाउ लगातार बढ्दा कारोबार ठप्प जस्तै भएको सुनचाँदी व्यवसायीले जानकारी दिएका छन् ।
सुनको भाउ आइतबार अहिलेसम्मकै महँगो अर्थात तोलाको ६६ हजार ३ सय रुपैयाँ पुगेको नेपाल सुनचाँदी व्यवसायी महासंघले जानकारी दिएको छ ।
गएको शुक्रबार एकै दिन तोलामा ८ सय रुपैयाँ बढेर अहिलेसम्मकै महँगो तोलाको ६५ हजार ८ सय रुपैयाँ निर्धारण गरिएको सुनको भाउले आइतबार नयाँ कीर्तिमान बनाएको हो । सुन तोलामा ५ सय रुपैयाँ बढेर अहिलेसम्मकै महँगो तोलाको ६६ हजार ३ सय रुपैयाँ पुगेको हो ।
अन्तराष्ट्रिय बजारमा सुनमा लगानीकर्ताको आकर्षण बढेपछि भाउ महँगो भएको महासंघले जनाएको छ । त्यसकै असर नेपालमा पनि परेको हो ।