गजल

म झस्कन्छु बिहानै अखबार हेरेपछि
त्यसमा पनि प्रमुख समाचार हेरेपछि

बुझें हजुर मान्छेलाई रोग बढेछ किन
जताततै विषादीको व्यापार हेरेपछि

बिपना पनि सपना लाग्न थालेको छ
छिन छिनमा फेरिने सरकार हेरेपछि

लाग्छ दुनियाँ केमा रमाइरहेको छ
नक्कली सामानहरुको बजार हेरेपछि

गाउँ को बिकास हुने आश मरेको हो
नेताको सहरमा फर्कने हतार हेरेपछि

                                       (गजलकार घिमिरे निजामति सेवामा कार्यरत हुनुहुन्छ)