दातासँग सम्झौता गर्दा परराष्ट्रको उपस्थिति अनिवार्य, बहुविवाह गरे अब कर्मचारी बर्खास्त

 प्रतिनिधिसभाले फौजदारी अभियोगमा पक्राउ पर्ने सांसदको पद निलम्बन नहुने व्यवस्थासहित शुक्रबार नियमावली पारित गरेकोलाई पत्रपत्रिकाहरुले विविध शीर्षक दिएर आज ‘कभरेज’ गरेका छन् । नियमावली पारित नहुँदा संसदका विषयगत समिति गठन, संवैधानिक निकायका पदाधिकारी नियुक्ति, राजदूत नियुक्ति प्रभावित हुँदै आएको थियो । योसँगै अब संसदलाई आफ्ना कामकारबाही अघि बढाउन मार्ग प्रशस्त भएको छ ।

बहुविवाह गर्ने सरकारी कर्मचारी अब बर्खास्त

अब निजामती कर्मचारीले बहुविवाह गरे जागिरबाट बर्खास्त हुने भएका छन् । सरकारले बहुविवाह गर्ने कर्मचारीलाई सेवाबाट हटाउने गरी नयाँ कानूनको खाका तय गरेको अाजकाे राजधानी दैनिकमा खबर छ ।