करेन्ट लागेर कैलालीमा एक जनाको मृत्यु, एक घाइते
मिति : ४ असार २०७५, सोमबार
अत्तरिया, असार ४ । कैलालीको गोदावरी नगरपालिका–३ मा करेन्ट लागेर एक जनाको मृत्यु भएको छ भने एकजना घाइते भएका छन् । मृत्यु हुनेमा गोदावरी नगरपालिका–८ का अन्दाजी ३२ वर्षीय करपाक चौधरी रहेका छन।
नगरपालिकाको वडा नम्बर ३ पुरानो मालाखेती बजार जाने बाटो नजिकै रहेको विद्युत्को ट्रान्सफर्मर मर्मत गर्ने बेला सोमबार दिउँसो साढे १२ बजे करेन्ट लागेर चौधरीको मृत्यु भएको हो ।ण
सोही नगरपालिका–४ का अन्दाजी ३० वर्षीय मंगल चौधरी घाइते भएका जिल्ला प्रहरी कार्यालय कैलालीले जनाएको छ । दुबै जनालाई घटना स्थलबाट उपचारका लागि अत्तरिया स्थित पदमा अस्पताल पु¥याइएको थियो । पद्मा अस्पतालमा उचार हुन नसकेपछि थप उपचारका लागी रेफर गरी सेती अञ्चल अस्पतालमा चौधरीको मृत्यु भएको प्रहरीले जनाएको छ ।
घाइते मंगल चौधरीलाई थप उपचारको लागि अत्तरिया पद्मा अस्पतालबाट कोहोलपुर लगिएको छ । दुबै जना विद्युत्को प्राइभेट कम्पनी वीरभद्र बिजुली सेवा अत्तरियामा कार्यरत कर्मचारी हुन् ।