सीके राउत समूहको बैठक लहानमा, सरकारसंग भएको ११ बुदेसहमति ऐतिहासिक,सहभागी हुन नागरिकता अनिवार्य

लहान, चैत्र ३। सीके राउत नेतृत्वको स्वतन्त्र मधेश गठबन्धनको बैठक आज लहानमा हुने निश्चित भएको छ। गठबन्धन र सरकारबीच भएको ११ बुदे सहमतिपछि हुन लागेको यो पहिलो बैठक हो।सरकारसंग भएको ११ बुदे सहमतिलाई ऐतिहासिक ठहर गर्दै गठबन्धनले आगामी राणनीति तय गर्न परिषद् बैठक बोलाएको गठबन्धनका एक सदस्य सुदीपराज कुशवाहाले बताए।दुइ दिन लहानमा हुने परिषद् बैठकमा सहभागी हुन गठबन्धनका सदस्यहरुलाई नागरिकता अनिवार्य गरिएको पनि जानकारि दिएका छन्।

नेता तथा कार्यकर्ताहरुलाई नागरिकताको प्रमाण पत्र अनिवार्य लिएर आउन आग्रह गरिएको छ। यो बैठक आकस्मिक भएकोले प्रत्येक जिल्लाबाट समिति सदस्यलाई मात्र बोलाइएको बताइएको छ। यो बैठक लगत्तै गठबन्धनको विस्तारित बैठक हुने कुशवाहाले बताए।

 

त्यसपछि भेटघाट र छलफलको कार्यक्रमहरु अगाडि बढाउँने उनले बताए। लहानमा कहाँ र कति बजेबाट परिषद् बैठक सुरु हुनेबारे अहिले खुलाइएको छैन्। कुशवाहाले भने,‘समय र स्थानपनि विस्तारै सार्वजनिक हुनेछ।’