आज सार्वजनिक विदा (विज्ञप्तिसहित)
जनकपुरधाम, बैशाख ३० । जानकी नवमीको अवसर पारेर प्रदेश–२ का ८ जिल्लामा आज सार्वजनिक विदा दिइने भएको छ ।
प्रदेश–२ सरकारले जानकी नवमीको अवसर पारेर आज सोमबार प्रदेशभित्र सार्वजनिक विदा दिएको हो । यस पटकको जानकी नवमीलाई जनकपुरधाममा महामहोत्सवको रुपमा मनाइँदैछ ।
सप्ताहव्यापी रुपमा मनाइने महामहोत्सवमा नेपालका साथै भारतका विशिष्ट विद्वानहरुले सहभागिता जनाउने बताइएको छ । वैशाख शुक्ल नवमीको दिन जानकी नवमीको रुपमा मनाइन्छ । राम नवमीको एक महिनापछि सीता नवमी पर्छ ।
यसैबीच जानकी नवमीको अवसरमा शुभकामना दिंदै प्रदेशका मुख्यमन्त्री लालबाबु राउतले जानकी नवमीले धार्मिक आस्थाका साथै जनकपुर र प्रदेश नम्बर–२ को गरिमालाई समेत विश्वस्तरमा स्थापित गर्ने भएको हुँदा यसपर्वको गरिमाको संरक्षण, स्म्बद्र्धन र प्रचार प्रसारमा प्रदेश सरकारले हरसम्भव प्रयास गर्ने बताएका छन् ।
हेर्नुहोस विज्ञप्ति
