टाउको दुखाइको कारण र उपचार : दुखाईबाट तुरुन्त राहत पाउन यस्ता छन् ६ उपाय एक पटक पढ्नुहाेस्

टाउको दुखाईबाट धेरै जना पीडित हुने गर्छन् । चिन्ता, कामको चाप तथा विभिन्न वाह्य कारणले टाउको दुखाई हुने गर्छ । जसले हाम्रो दैनिक जीवनयापनमा नराम्रो असर पारिहेको हुन्छ । टाउको शरीरको संवेदनशील अंग हो । त्यसैले टाउको दुखाईलाई सामान्य रुपमा लिन नहुने डाक्टरहरु बताउँछन् ।

यस्ता छन् समधानका उपाय

कारण

शरीरमा पानीको कमी हुनु ।

चिसो मौसममा रुघाखोकी र पिनास हुँदा ।

पर्याप्त निद्राको अभाव र डिप्रेसन ।

 ग्यास्ट्रिक भएमा ।

जथाभावी औषधिको प्रयोगले मस्तिष्कको आवरण वा धमनीमा असर गर्छ । फलस्वरूप टाउको दुख्ने हुन्छ ।

आँखाको दृष्टिमा समस्या हुनेमा टाउको दुख्ने हुन्छ ।

   उपचार

दैनिक करिब आठ गिलास पानी पिउने गरौँ ।

चिसोबाट बचौँ । िपर्याप्त आराम गरौँ ।

दैनिक फलफूल र सागपात खाऔँ ।

सुर्तीजन्य पदार्थ तथा मदिराजन्य पदार्थ सकभर सेवन नगरौँ ।

भोकै बस्ने बानी नगरौँ । स्वस्थ र सन्तुलित भोजनमा ध्यान दिऔँ ।

कम्प्युटरमा लामो समय काम गर्ने भए चस्मा लगाऔँ ।

सामान्यतया टाउको दुख्नु कुनै रोगको लक्षण भएकाले अत्यधिक दुखेमा टाउकोको सिटिस्क्यान वा एमआरआई गर्नुपर्छ । 

सामान्यतयाः मानिसहरु टाउको दुख्ने वित्तिकै ‘पेन किलर’ खाने गर्छन् । सामान्य दुखाईमा नै ‘एन्टिवायोटिक’को प्रयोग गर्दा यसको ‘साइड इफेक्ट’ हुने र यसले विस्तारै गम्भीर असर देखाउने गर्छ । त्यसैले टाउको दुखाईबाट घरमै आराम पाउन हामी सामान्य उपचार गर्न सक्छौ जसले केहि क्षणमा नै राहत प्रदान गर्छ ।

तेलले मसाज गर्नुस्  

यदि तपाईलाई बारम्बार टाउको दुखिरहन्छ भने तपाईले तेलले मसाज गर्न सक्नुहुन्छ । कपालको जरामा तेल लगाएर हल्का मसाज गर्ने गर्दा बारम्बार हुने टाउको दुखाईको समस्याबाट छुटकारा मिल्छ । यसका साथै नरिवल र बदामको तेल मिसाएर मालिस गर्दा पनि फाइदा मिल्छ । पिपरमेन्ट र युकेलिप्टसको तेल पनि टाउको दुखाईको लागि राम्रो औषधिको रुपमा लिइन्छ ।

गाईको दूध  

टाउको दुख्ने समस्या दोहोरिरहन्छ र औषधिले पनि काम गरिरहेको छैन भने हरेक दिन गाईको मन तातो दूध पिउँने गर्नुस् तपाईंको टाउकोको समस्या विस्तारै कम हुँदै जान्छ । त्यस्तै ल्वाङमा नुन मिसाएर चुर्ण बनाउने र टाउको दुखेको समयमा उक्त चुर्ण र गाईको काँचो दूध टाउको मा लगाउँदा पनि टाउको दुखाई तुरुन्तै कम हुन्छ ।

पानी  

हल्का टाउको दुख्दा एक गिलास पानी पिउँन सकिन्छ । आधा गिलास तातो पानीमा कागतीको रस हालेर पिउँदा टाउको दुख्न कम हुँदै जान्छ ।

धनियाँ र चिनी  

ज्वरो वा रुघाखोकीको कारण टाउको दुखेको हो भने धनियाँको पाउडर र चिनी मिसाएर झोल पिउँदा आराम मिल्छ ।

कफि  

कफिमा पाइने क्याफिनले दुखाई कम गराउँछ । जसले पेन किलरको काम पनि गर्छ । यसको प्रयोग माइग्रेन र टाउको दुख्ने रोगका विरामीको लागि फाइदाजनक मानिन्छ ।

अदुवाको चिया  

अदुवा हालेर बनाएको चिया पिउँदा पनि टाउको दुखाई कम हुने गर्छ । अदुवामा एन्टी(इन्फ्लेमेटरी भन्ने तत्व हुने भएकाले त्यसले दुखाईलाई कम गराउँन मद्दत गर्छ । यसले तनाव, माइग्रेन जस्ता समस्यालाई भगाउँन सहयोग गर्छ ।एजेन्सी