आज सुनचाँदीको मूल्यमा गिरावट : कतिमा कारोवार हुँदै छ ?
काठमाडौं ,भदौ १९। नेपाली बजारमा शुक्रवार सुनको मूल्य घटेर ९६ हजारमा ४०० मा कारोबार भइरहेको छ ।
एकसाता अघि १ लाख ३०० भन्दा माथि पुगेको सुनको मूल्य केही दिनदेखि लगातार घट्दै ९६ हजारमा आइपुगेको हो ।
नेपाल सुन चाँदी व्यवसायी महासंघका अनुसार छापावाला सुनको मूल्य शुक्रवार प्रतितोला ९६ हजार ४०० र तेजाबी सुनको मूल्य प्रतितोला ९५ हजार ९०० मा कारोबार भइरहेको छ ।
त्यस्तै चाँदीको मूल्य भने तोलामा ३५ घटेर प्रतितोला १ हजार ३१० मा कारोबार भइरहेको छ ।
अन्तरराष्ट्रिय बजारमा सुन तथा चाँदीको मूल्यमा लगातार गिरावट आएकोको कारण नेपाली बजारमा पनि त्यसको प्रभाव परेको सुनचाँदी व्यवसायीहरुले बताएका छन् ।
कोरोना महामारीका कारण हाल नेपालमा निषेधाज्ञा लागू भएका कारण सुनचाँदीको कारोबार भने ठप्प रहेको उनीहरु बताउँछन् ।