नेपालमा थप १२०७ जनामा कोरोना संक्रमण पुष्टि,उपत्यकामाथप ७२४ संक्रमित,कनु जिल्ला कति थपिए संक्रमित
काठमाडौं,असोज १० । नेपालमा थप १२०७ जनामा कोरोना संक्रमण पुष्टि भएकने छ। स्वास्थ्य तथा जनसंख्या मन्त्रालयका अनुसार २४ घण्टामा १२०७ जना कोरोना संक्रमित थपिएकाे जनाएकाे छ।
मन्त्रालयका अनुसार १ हजार १४७ जना डिस्चार्ज भएर घर फर्किएका छन् ।
याे सँगै कुल संक्रमितको संख्या ७१ हजार ३४१ पुगेको छ । उनीहरुमध्ये ४६७ जनाको मृत्यु भएको छ भने ५३ हजार १३ जना संक्रमणमुक्त भएका छन् ।
पछिल्लो २४ घण्टामा मात्र ११४७ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ ।
कनु जिल्ला कति थपिए संक्रमित
मन्त्रालयका अनुसार काठमाडौं उपत्यकामा मात्र ७२४ संक्रमित थपिएका छन्, जसमध्ये काठमाडौंका ५८३, ललितपुरका ७८ र भक्तपुरका ६३ जना छन् ।यस्तै मोरङका ७८ जना, रुपन्देहीका ७३, बाँकेका ३०, दाङका २८, पर्साका २४, सुनसरीका २३, काभ्रे र मकवानपुरका १७/१७ जना, सिन्धुली र डोटीका १५/१५ जना, अछामका १३, चितवनका १२, सप्तरीका ११, कास्की र नवलपरासीका १०/१० तथा झापा, धादिङ, रामेछाप र बर्दियाका ७/७ जना,रौतहट र रोल्पाका ६/६ जना, गुल्मी, प्युठान र दार्चुलाका ५/५ जना, धनुषा, बारा, सर्लाही, सिन्धुपाल्चोक, तनहुँ र स्याङ्जा ४/४ जना, गोरखा, कपिलवस्तु र पाल्पाका ३/३ जना, भोजपुर, नुवाकोट, अर्घाखाँची र बझाङका २/२ जना तथा उदपयपुर, सोलुखुम्बु, महोत्तरी, सिराहा दोलखा, नवलपुर, लमजुङ, बाग्लुङ, सल्यान, कञ्चनपुर र बैतडीका १/१ जनामा पनि संक्रमण देखिएको छ ।