हुम्लाको सिमकोट गाउँपालिकामा जीप दुर्घटना हँदा ४ जनाको मृत्य ७ जना घाइते
काठमाडौं,मंसिर २०। सिमकोट गाउँपालिका ७ डाडाफयाको जबुका नजिकैे शुक्रबार राती लु २ च २१०२ नंम्बरको बलेरो जीप दुर्घटना हुँदा एक बच्चा सहित ७ जना घाईते र ४ जनाको मृत्यु भएको छ ।
सिमकोटबाट बिरामी लिन हेप्काखोला गएको जिप बिरामी लिएर सिमकोट फर्किने क्रममा सिमकोट गाउँपालिका ७ को डाडाफयामा राती ११ः०० बजे सो बलेरो जिप दुर्घटना भएको जिल्ला प्रहरी कार्यालयका हुम्लाले जनाएको छ ।
मृत्य हुने सिमकोट-७ का ३० वर्षिय पर्वत सुनार,सिमकोट-२ का पारस बोहरा,नाम्खा-१ हेप्का का ४५ वर्षिय डुकी तामाङ ,उनका श्रीमान ४५ वर्षिय गुरु तामाङ रहेको जिल्ला प्रहरी हुम्लाका प्रहरी उपरिक्षक सुर्यप्रहर एक जना बच्चा सहित ७ जना घाइते र ४ जनाको मृत्यु भएको छ ।
घाईते हुनेमा सिमकोट २ ठेहेका जिप चालक सिंगम भण्डारी, सिमकोट ६ बस्ने प्युठानका अजय बस्नेत, सिमकोट ८ खोल्सीकी कल्पना सिंह, सिमकोट ८ खाेल्सीका १ बर्षे बालक मिलन सिंह, सिमकोट ८ खोल्सीकी सम्झना शाही नाम्खा गाउँपालिका वडा नं.१ की झुमझुम लामा र सिमकोट बजारमा बस्ने बाजुराका कबि सिंह रहेका छन ।
घाइतेहरुको हुम्ला जिल्ला अस्पतालमा उपचार भइरहेको छ । बाेलेरो जिप मुल सडक भन्दा करिब ६ सय मिटर दक्षिणमा खसेको जिल्ला प्रहरी कार्यालय हुम्लाले जनाएको छ ।
जिप दुर्घटना भएको खबर पाए लगतै घटनास्थल पुगेका नेपाल प्रहरी, ससस्त्र प्रहरी, नेपाली सेना र स्थानियबासीले उद्धार गरेका थिए ।