पेस्तोलसहित तीन जना पक्राउ
काठमाडौं। प्रहरीले पेस्तोलसहित ३ जनालाई पक्राउ गरेको छ । पर्साको वीरगञ्ज महानगरपालिका–१५ स्थित ब्रह्मचोकबाट पक्राउ गरेको हो ।
पक्राउ पर्नेमा पर्साको वीरगञ्ज घर भएका अनिल शाह, धरान घर भएका रवि पौडेल र पर्साको मकाहमैनपुर गाउँपालिका घर भएका विजय कुमार पटेल छन् । उनीहरुको साथबाट एउटा पेस्तोल बरामद भएको छ ।
जिल्ला प्रहरी कार्यालय पर्साका डीएसपी ओमप्रकाश खनालाका अनुसार ब्रह्मचोकस्थित एक होटलमा प्रदेश–२ प्रहरी कार्यालय जनकपुर र जिल्ला प्रहरी कार्यालय पर्साको टोलीले छापा मारेर उनीहरुलाई पक्राउ गरेको हो ।
अहिले उनीहरुमाथि हातहतियार तथा खरखजाना मुद्दामा अनुसन्धान भइरहेको डीएसपी खनालले बताए ।