नेपालमा थप ६ हजार ८ सय २७ जनामा कोरोना संक्रमण पुष्टि,थप १० जनाको मृत्यु
काठमाडौं। नेपालमा थप ६ हजार ८ सय २७ जनामा कोरोना भाइरसको संक्रमण पुष्टि भएको छ।स्वास्थ्य मन्त्रालयका अनुसार गत २४ घण्टाको अवधिमा थप १० जनाको कोरोना संक्रमणबाट मृत्यु भएको छ।
यससँगै नेपालमा हालसम्म कोरोनाबाट ज्यान गुमाउनेको संख्या ११ हजार ६९७ पुगेको छ।यस्तै शुक्रबार ५ हजार ४ सय ३२ जना कोरोना संक्रमणमुक्त भएको मन्त्रालयले जनाएको छ।
हाल देशभर ८९ हजार ९४१ जना सक्रिय संक्रमित रहेका छन्।गत चौबीस घन्टामा १३ हजार ७९१ पीसीआर तथा ६ हजार ७८ एन्टिजेन परीक्षण भएको छ।