२ कर्मचारी र ३० शिक्षकलाई सेनामा जाखिर खुल्यो
काठमाडौं । नेपाली सेनाले करार सेवामा २ कर्मचारी र ३० जना शिक्षकका लागि दरखास्त आह्वान गरेको छ । सैनिक कल्याणकारी निर्देशनालयले एक सूचना जारी गर्दै दैनिक ज्यालादारी रुपमा पारिश्रमिक बुझ्ने गरि दुई जना कर्मचारी र ३० जना शिक्षक माग गरेको हो ।
सैनिक आवासिय मावि भक्तपुर, विजेश्वरी ज्ञान मन्दिर, सैनिक महाविद्यालय विजेश्वरी, रिपुमर्दिनी सैनिक महाविद्यालय बाँसवारी, स्वेततारा पूर्व प्राथमिक सैनिक विद्यालय छाउनी, सैनिक आवासिय महाविद्यालय बुटवल,सैनिक आवासिय महाविद्यालय पोखरा, सैनिक आवासिय महाविद्यालय महोत्तरी, सैनिक आवासिय महाविद्यालय चितवन लगायतका स्थानमा सेनाले सञ्चालन गरेका विद्यालयका लागि शिक्षक माग भएको हो।
योग्यता पुगेका इच्छुक नेपाली नागरिकले सूचना प्रकाशित भएको मितिले एक साताभित्र दरखास्त दिन सकिने सेनाले जनाएको छ।
