करेन्ट लागेर युवकको मृत्यु,कर्णाली राजमार्ग अवरुद्ध
काठमाडौं । दैलेखको आठबिस नगरपालिकास्थित राकम कर्णालीमा घाँस काट्ने क्रममा करेन्ट लागेर एक जना युवकको मृत्यु भएको छ । मृत्यु हुनेमा २९ वर्षीय नगेन्द्र बहादुर माझी रहेका छन्।
विद्युत् कार्यालयको लापरबाहीका कारण करेन्ट लागेर मृत्यु भएको भन्दै सोमबार मृतकका आफन्त तथा स्थानीयले कर्णाली राजमार्ग अवरुद्ध गरेका छन्।
मृतकका आफन्तहरूले राजमार्ग अवरुद्ध गर्दा यातायातका साधनहरू राकममै रोकिएका छन्। पीडित पक्षसँग प्रहरीले छलफल गरिरहेको छ। पीडितहरूले उचित क्षतिपूर्ति नदिएसम्म अवरुद्ध सडक नखुलाउने बताएका छन्।