कोशी ब्यारेजका ढोकाहरु बन्द गर्न भारतकाे दबाब
काठमाडाै,असार २८। लगातार परेको पानीले सप्तकोशीमा पानीको बहाव उच्च भएको छ । भारतको विहार जलमग्न भएकाे भन्दै कोशी ब्यारेजका ढोकाहरु बन्द गर्न भरतकाे दबाब आएको छ।
एक लाख ५० हजार क्यूसेक पानीको मापनपछि खतरा मानिने कोशीमा शनिबार अपराह्न २ः०० बजेको मापनअनुसार दुई लाख ७४ हजार ६५ क्यूसेक पानीको बहाव रहेको कोशी ब्यारेजमा रहेका प्रहरी सहायक निरीक्षक ईश्वरी दाहालले जानकारी दिनुभयो ।
उहाँका अनसार अहिले ५६ ढोकामध्ये ३६ ढोका खोलिएका छन् । भारतको बिहार जलमग्न भएपछि भारतले ढोका बन्द गर्न दबाब दिइरहेको सशस्त्र प्रहरी निरीक्षक सुरेन्द्र भण्डारीले बताउनुभयो ।
वर्षा निरन्तर जारी रहेकाले सप्तकोशीमा पानीको बहाव थप बढ्न सक्ने भन्दै प्रशासनले कोशी नदीका तटीय क्षेत्रका बासिन्दालाई सतर्क अवस्थामा रहन अपिल गरेको छ । यसैबीच शनिबार प्रदेश नं १ का आन्तरिक मामिला तथा कानूनमन्त्री हिक्मत कार्कीले कोशी ब्यारेज तथा सुनसरीका बाढी प्रभावित क्षेत्रको अवलोकन गर्नुभएको छ ।