दुइ दिन सार्वजनिक बिदा
बाराको पवित्र धार्मिक सथ्ल गढीमाईमा लागिरहेको मेलाका लागि भन्दै पर्सा जिल्ला सहित प्रदेश नम्बर २ का साुमदायियक तथा निजी बिद्यालयहरुमा बिदा दिइएको छ । गढीमाई मेलाको अवसरमा प्रदेश २ सरकारले दुई दिन गढीमाई मेलाका अवसरमा मंसिर १७ गते १८ गते स्थानीय बिदा कट्टा हुनेगरी बिदा दिइएको हो । पर्सामा रहेका बिद्यालयहरु पनि बिदा गर्ने निर्णय भएको बताइएको छ ।
यसैबीच बलीका लागि भन्दै भारतबाट गढीमाईमा सयौं राँगाहरु भित्राइएको छ । यही मंसिर १७ र १८ गते गढीमाईमा बली चढाइने निश्चित भएको बताइएको छ ।बली प्रथाका बिषयमा सर्बोच्च अदालतले समेत बली गढीमाईमा नचढाउन आदेश दिए पनि । भक्तजनहरुको आस्थाका बिषय भएका कारण आफूहरुले रोक्न नसकेको मेला बताइएको छ । हरेक पाँच बर्षमा लाग्ने मेला मंसिर महिनाभर संचालन हुनेछ।
गढीमाई मेलामा बलि चढाउनका लागि भारतबाट ल्याउने पशुहरुलाई रोक नलगाउन आग्रह
गढीमाई मेलामा बलि चढाउनका लागि भारतबाट ल्याउने पशुहरुलाई पशुअधिकारकर्मीले सीमामा रोक्ने गरेको कामले समस्या सिर्जना हुने भन्दै पाँच दिनका लागि नरोक्न आग्रह गरिएको छ ।
जिल्ला प्रशासन कार्यालयमा सुरक्षा निकायका प्रमुखहरु, सांसद, प्रदेशसभा सदस्य, पालिका प्रमुखहरु, जिल्ला समन्वय समितिका पदाअधिकारीहरुले स्थानीय जनता र पशुअधिकारकर्मीबीच बलि रोक्ने विषयमा उग्ररुप लिई सुरक्षा चुनौती थप्न सकिने भन्दै कम्तीमा पनि भारतबाट ल्याइने राँगा, बोकालाई नरोक्न आग्रह गर्नुभयो ।
सर्वोच्च अदालतले पशु बलिलाई निरुत्साहित गर्न निर्देशनात्मक आदेश गरे पनि धार्मिक आस्थासँग जोडिएको पशु बलिलाई एकाएक रोक्दा दुर्घटना हुने सम्भावना उत्तिकै रहेको सांसद रामसहाय यादवले बताउनुभयो । सीमामा गई पशु बलि रोक्न जाँदा अभियानकर्मीहरु थोरै हुने तर मान्छेको हुल धेरै हुने हुँदा सो हुललाई रोक्न पनि समस्या सिर्जना हुन्छ भन्दै सांसद रामबाबु कुमार यादवले खाली मेलाको समयमा आएर रोक्नुभन्दा सधैँ यसको वकालत, पहलकदमी र जनचेतना जगाइराख्दा पशु बलि निरुत्साहित हुँदै जाने बताउनुभयो ।
गढीमाई मेलामा मात्र नभई दशैँ, होली, रमजान, कुरवानी जस्ता पर्वहरुमा पनि पशु बलि दिने गरेको हँुदा त्यसलाई पनि रोक्न पशुअधिकारकर्मीहरुको ध्यान जान जरुरी रहेको जिल्ला समन्वय समितिका सहसंयोजक पवनकुमार व्याहुतले बताउनुभयो ।
भाकल गर्नेहरुले बोका, राँगा किनिसकेको हँुदा उनीहरुको मनोकाङ्क्षालाई बुझ्नु जरुरी छ भन्दै प्रदेशसभा सदस्य पारस साहले अहिले पशु बलि रोक्नुभन्दा ठाउँठाउँमा पर्चा, पम्पप्लेट, ब्यानरहरु लगाई मेलामा शिविर सञ्चालन गरेर जनचेतना बढाउनुपर्ने बताउनुभयो ।
मेलामा भारतीयहरुलाई आवतजावतमा सहज बनाउन प्रशासनले चेकजाँच खुकुलो पार्न र खुद्रा समानलाई भन्सार नकाटी सहजरूपमा आउने वतावरण बनाउन प्रहरी प्रशासन लचिलो हुनुपर्ने पूर्वसांसद प्रमोद गुप्ताले बताउनुभयो । सस्तो र लोकप्रियताका लागि समाजमा असर पर्ने र त्यसबाट खतरा सिर्जना हुने खालका गतिविधि पशुअधिकारकर्मीहरुबाट हुनु राम्रो पक्ष नभएको रामकिशोर यादवको भनाइ थियो ।
यता पशु कल्याण सङ्घ नेपालका अध्यक्ष स्नेहा श्रेष्ठले घुमाउरो पारामा आफूहरुको हौसलालाई दबाउन खोजेको बताउनुभयो । बारा महिला विकास मञ्चका अध्यक्ष कलावती पासवानले आफूहरु बलि पूर्णरूपमा बन्द गर्नुपर्ने पक्षमा नरहेको तर चेतना जगाउँदा पनि अवरोध हुनु दुःखद भएको बताउनुभयो । विभिन्न प्रकारको लाञ्छना लगाई कसैको चरित्रलाई बदनाम गर्न कसैलाई छुट नरहेको उहाँको भनाइ थियो ।
केही दिनदेखि पशुअधिकारकर्मीहरुले नेपालको सीमा खासगरी मटियर्वा, सिम्रौनगढ, बस्तपुर, छतवा, मुसहरवा र रौतहटको बङ्कुलमा भारतबाट आउने पशुमा रोक लगाउने अभियान सञ्चालन गरी स्वयंसेवक परिचालन गरेकामा सर्वसाधारणको गुनसोका अधारमा आफूले पहल गरी पशुअधिकारकर्मी, सांसद, विधायकहरुलाई डाकेको प्रजिअ फनिन्द्रमणि पोखरेलले बताउनुभयो ।