चिनियाँ दूतावासका डीसीएम र लिङ्देनबीच भेटवार्ता
काठमाडौं । नेपालस्थित चिनियाँ दूतावासका डेपुटी चीफ अफ मिशन डीसीएम वाङ सीनले राष्ट्रिय प्रजातन्त्र पार्टीका अध्यक्ष राजेन्द्र लिङ्देनसँग भेटवार्ता गरेका छन्। उनीहरूबीच शनिबार भेटवार्ता भएको हो।
प्रतिनिधिसभा निर्वाचनमा १४ सिट जितेको राप्रपा अध्यक्ष लिङ्देनसँग डीसीएम वाङ सीङले सत्ता समीकरणबारे चासो राखेका थिए। राजातन्त्रको वकालत गर्दै आएको राप्रपाले अब बन्ने नयाँ सरकारमा कस्तो भूमिका निर्वाह गर्छ भन्नेबारे वाङसीनले चासो राखेको स्रोतको भनाइ छ।
चीनले आउने दिनमा राप्रपासँग सम्बन्ध विस्तार गर्न चाहेको स्रोतको दाबी छ। राजतन्त्रलाई वकाल गर्ने पार्टीले संसदमा राम्रो हैसियत बनाएको छ। सम्भवतः राप्रपाको रणनीतिक विषयमा चिनिायाँ पक्षले चासो राखेको हुनुपर्छ’ स्रोतले भन्यो।