चिकित्सकलाई कुटपिट गरेको विरोधमा चक्काजाम
काठमाडौं । राष्ट्रपति सवारीका बेला सडकमा हिँडेको भन्दै चिकित्सकमाथि कुटपिट भएको छ ।
राष्ट्रिय ट्रमा सेन्टरका चिकित्सक डा.जनित सिंहलाई प्रहरीले कुटपिट गरेको हो ।
शुक्रबार अपराह्न राष्ट्रपति विद्यादेवी भण्डारीको सवारीका बेला डिउटीमा आइरहेका डा सिंहलाई वीर र ट्रमाको बीचमा प्रहरीले कुटपिट गरेको हो ।
ट्रमा सेन्टरका शाखा अधिकृत नवराज गौतमका टाउकोमा टुटुल्को उठ्ने गरी नै प्रहरीले डा सिंहलाई कुटपिट गरेका छन् ।
‘दुवै अस्पतालको चिकित्सकहरु जम्मा भएका छन्। विरोध चलिरहेको छ । प्रहरीहरु आएर छलफल गरिरहेका छन्,’ उहाँले भन्नुभयो ।
विरोधको क्रममा चिकित्सक तथा कर्मचारीहरूले आधा घण्टासम्म सडकमा चक्काजाम समेत गरेको उहाँले बताउनु भयो ।
संघीय संसद्को संयुक्त सदनलाई सम्बोधन गरेर राष्ट्रपति भण्डारी फर्कने क्रममा वीर अस्पताल बाहिर हिँडिरहेका चिकित्सक सिंहलाई त्यहाँ सुरक्षामा खटिएका प्रहरीले लाठीचार्ज गरेका थिए ।