आफ्नै आमाको हत्या गरेको अभियोगमा छोरा पक्राउ
सर्लाही, भदौ ७ । सर्लाहीमा आफ्नै आमाको हत्या गरेको अभियोगमा छाेरा पक्राउ परेका छन्। लालबन्दी नगरपालिका-२ पुनर्वास टोल बस्ने ३२ वर्षीय राजबीर पासवानलाई शनिबार राति प्रहरीले पक्राउ गरेको हाे ।
आफ्नै आमा ५० वर्षीया उर्मिला पासवान र बुवा ५५ वर्षीय उपेन्द्र पासवानलाई ढुङ्गा प्रहार गर्दा आमाको टाउकोमा चोट लागेर घटनास्थलमै मृत्यु भएको थियो ।
टाउकोमै चोट लागी गम्भीर घाइते भएका बाबु उपेन्द्रको मनिषा हेल्थ केयर नवलपुरमा उपचार भइरहेको छ । घटनाको खबर प्राप्त भएपछि ईलाका प्रहरी कार्यालय नवलपुर र ईलाका प्रहरी कार्यालय लालबन्दीबाट खटिएको प्रहरीले राजबीरलाई पक्राउ गरेको हो ।
पासवानले मादक पदार्थ सेवन गरी आमा ,बाबुलाइ ढुङ्गा प्रहार गर्दा उनकी आमाकाे टाउकाे लागेर घटना स्थलमै मृत्यु भएकाे त्यहाँका स्थानीयले बताएका छन्। यस सम्बन्धमा प्रहरीले थप अनुसन्धान गरिरहेको छ ।