पेरिसडाँडामा माओवादी केन्द्रको स्थायी समिति बैठक जारी
काठमाडौँ । माओवादी केन्द्रको स्थायी सिमिति बैठक सुरू भएको छ । पार्टीको केन्द्रीय कार्यालय पेरिसडाँडामा बिहानै सुरू भएको बैठकमा पदाधिकारी चयन लगायतका विषयमा छलफल हुने बताइएको छ ।
गत आइतबारदेखि बिहीबारसम्म चलेको पार्टीको केन्द्रीय समिति बैठकले ४१ सदस्यीय स्थायी समिति टुंगो लगाएको थियो ।
लगाइपछि आजै स्थायी समितिको पहिलो बैठक बसेको हो । तर अझै पनि पदाधिकारी चयन गर्न सकेको छैन ।
आजको बैठकले भर्खरै सम्पन्न केन्द्रीय सिमिति बैठकको समीक्षा गर्ने जनाइएको छ ।
साथै पोलिष्टब्युरो चयनका क्रममा देखिएका असन्तुष्टिबारे पनि बैठकमा छलफल हुने र पदाधिकारीको टुंगो लगाउनेबारे समेत ठोस छलफल हुने बताइएको छ ।