चितवनको लायन्स चोकमा मशाल जुलुश प्रदर्शन

-प्रेम प्रसाद कडेल

चितवन। क्रान्तिकारी कम्युनिष्ट पार्टी नेपाल चितवन जिल्लाको आयोजनामा एक मशाल जुलुश प्रदर्शन कार्यक्रमसहित कोणसभा सम्पन्न भएको छ।

नारायणगढ बजारको लायन्स चोकदेखि पुल्चोकसम्म सयौंको संख्यामा रहेका कार्यकर्ताको जुलुशसहित नाराबाजी गरेका थिए।

देशमा महंगी,एयरपोर्टमा घटेको सुनकाण्डको भ्रष्टाचार,भुटानी शरणार्थी मानव तस्करी,किसानको मल बिउ बजार समस्या, व्यापारीले भोगेका बैंकिङ्ग ब्याजको मार लगायत एमसीसी खारेजी,राष्ट्रियता जनतन्त्र र जनजिविकाको समस्या समाधान गर्न माग गर्दै उक्त कार्यक्रम आयोजना गरिएको कार्यक्रमका सभाध्यक्ष क्रान्तिकारी कम्युनिष्ट पार्टी नेपालका संयोजक घननाथ सापकोटा विकासले बताए।