आज साउन २३ गते शनिबार, यस्तो छ तपाईको राशिफल

मेष- गुरुजनको प्रेरणा र सहयोगले प्रतिष्ठा तथा मान सम्मान बढ्नेछ । आन्तरिक प्रतिभा प्रदर्शन गर्ने अवसर मिल्नेछ । मेहनत दोहोर्याउनु परेपनि परिणाम लाभदायक रहनेछ । भौतिक सुखको चाहना भने केही बढ्न सक्छ ।

वृष- उन्नति र प्रगतिका शुभ समाचारले मन प्रसन्न हुनेछ । प्राविधिक तथा व्यावसायिक क्षेत्रमा सफलता मिल्नेछ । आर्थिक सहयोग प्राप्त हुने सम्भावना छ । चिकित्सा, औषधि, काठ वा फर्निचर व्यवसायमा लाभ मिल्ने योग छ ।

मिथुन- व्यस्तता र खर्च बढ्ने दिन भएकाले आर्थिक व्यवस्थापनमा ध्यान दिनुहोस् । नयाँ कुरा सिक्ने अवसर मिल्नेछ । लगानी वा नयाँ योजना अघि बढाउँदा राम्रोसँग सोचेर निर्णय गर्नु उचित हुनेछ।

कर्कट- नयाँ काम सुरु गर्न अनुकूल समय छ । अतिरिक्त आम्दानी वा बोनस प्राप्त हुन सक्छ । सकारात्मक सोचले सम्बन्ध सुधार हुनेछ । करार, सम्झौता वा प्रशासनिक काममा सफलता मिल्नेछ।

सिंह- व्यापार व्यवसायमा राम्रो प्रतिफल मिल्नेछ । नयाँ योजनामा अघि बढ्दा अनुभवको उपयोग गर्नुहोस् । परिवारमा सुख शान्ति रहनेछ । परिश्रमले करियरमा सकारात्मक उपलब्धि दिलाउनेछ।

कन्या- सामाजिक वा धार्मिक कार्यमा सक्रिय हुँदा सम्मान प्राप्त हुनेछ । भाग्यले साथ दिने भएकाले प्रतिस्पर्धा वा परीक्षामा सफलता मिल्ने सम्भावना छ । कार्यशैली सुधार्दा थप प्रगति हुनेछ ।

तुला– वैचारिक मतभेद हुन सक्ने भएकाले धैर्य अपनाउनुहोस् । सरकारी वा प्रशासनिक काममा सावधानी आवश्यक छ । आवश्यक कागजात सुरक्षित राख्नुहोस् । आफ्नै मेहनतले काम सफल हुनेछ।

वृश्चिक- सफलताका लागि मेहनत आवश्यक पर्ने दिन हो । पुराना साथीभाइसँग भेटघाट हुन सक्छ । परिवारका भावना बुझेर अघि बढ्दा सम्बन्ध सुदृढ हुनेछ। कार्यक्षेत्रमा राम्रो उपलब्धि मिल्नेछ।

धनु- अनावश्यक काममा समय खर्च नगर्नुहोस् । क्षमता प्रदर्शनबाट प्रतिष्ठा बढ्नेछ । स्वाभिमानका कारण विवाद हुन सक्ने भएकाले संयम अपनाउनुहोस् । पार्टनरसँग अनावश्यक शंका नगर्नु राम्रो हुनेछ।

मकर- नयाँ ज्ञान सिक्ने अवसर मिल्नेछ। धैर्य र मेहनतले लक्ष्य पूरा हुनेछ । दीर्घकालीन लगानीबाट लाभ मिल्ने योग छ । परिवारबाट शुभ समाचार प्राप्त हुन सक्छ।

कुम्भ- सानातिना अवरोध आएपनि काम सफल हुनेछ । घरबाट शुभ समाचार प्राप्त हुन सक्छ । व्यापारमा नयाँ अवसर देखिनेछ । अरूको आश्वासनभन्दा आफ्नै प्रयासमा भरोसा गर्नु राम्रो हुनेछ।

मीन- व्यावहारिक सोचले आर्थिक प्रगति गराउनेछ । धार्मिक वा सामाजिक कार्यमा संलग्न हुँदा सम्मान बढ्नेछ । सहकर्मीका कारण केही ढिलाइ भए पनि अन्ततस् काम सफल हुनेछ । साथीभाइसँग भेटघाट र व्यक्तिगत काम पूरा हुने योग छ ।