गजल/गाउँले के देख्थो…..
प्रवाशी काजी, रावतकोट दैलेख
गाउँले के देख्थो जब घरकाले देखेनन् ।
कहिल्यै आमाको दुख बाले देखेनन् ।।
हामीले सँधैभरी मुर्ति देखेर पुज्याैं
हामीलाई मन्दिरका ढुंगाले देखेनन् ।
आँखामा पट्टी बाँधेर सफरमा पठाईयो
बाटोभरीका काँडा दुई खुट्टाले देखेनन् ।
मैले भनेको हैन यो इतिहासले भनेको हो
बृद्दाले भोगेको अभाव बच्चाले देखेनन् ।
भत्ता सरकारले दियो बृद्दाश्रम काम आयो
मेरो बुढेसकालको दुख छोराले देखेनन् ।
हाल बालासिनोर गुजरात भारत