नेपाल प्रहरीले जवानदेखि इन्स्पेक्टरसम्म माग्यो झण्डै आठ हजार दरखास्त आव्हान
काठमाडौं असाेज १५। प्रहरी प्रधान कार्यालयले झण्डै आठ हजार प्रहरीका लागि दरखास्त आव्हान गरेको छ । महाशाखाले प्रहरी निरीक्षक १०८ जना सहायक निरीक्षक ५२४ र जवानमा ६ हजार २ सय ४४ जनाका लागि दरखास्त आव्हान गरेको हो ।
त्यस्तै भान्सेका लागि ३२० जनाको दरखास्त आव्हान गरिएको छ। १५ जना हजाम, सिलाई बुनाई सम्बन्धी १२ जना, कुचिकार १४ जना, मोचि ९ जना र खेलाडी ३० जनाको दरखास्त आव्हान गरिएको छ । प्रहरी निरीक्षक र सहायक निरीक्षकका लागि महानगरीय प्रहरी कार्यालय रानीपोखरीका साथै सातै प्रदेशका प्रहरी प्रमुख कार्यालयबाट दरखास्त दिन सकिने छ ।
त्यस्तै जवानका लागि महानगरीय प्रहरी परिसर काठमाडौं, भक्तपुर र ललितपुरका साथै सातै प्रदेशका प्रदेश प्रहरी कार्यालय र सबै जिल्ला प्रहरी कार्यालबाट पनि दरखास्त दिन सकिने छ । दरखास्त दिन असोज अठार गतेदेखि कार्तिक २९ गते सम्मको समय तोकिएको छ ।
