एमाले र एकीकृत समाजवादीका कार्यकर्ता माओवादी केन्द्र प्रवेश

चितवन .। नेपाल कम्युनिष्ट पार्टी (एमाले)का वाग्मती प्रदेश सदस्य किसान नेता खेम भट्ट र चितवन जिल्ला सदस्य उत्तम सुवेदी लगायत नेकपा (एकिकृत समाजवादी)का जिल्ला सदस्य साकार लामा र सूर्य प्रकाश लामा नेकपा (माओवादी केन्द्र) प्रवेश गरेका छन्।

उनीहरूलाई नेकपा माओवादी केन्द्रका स्थायी समिति सदस्य नारायण प्रसाद दाहाल क. सरल र क. पथिकले रातो टिका र खादा ओढाएर पार्टीमा स्वागत गरेका छन्।

पार्टी कार्यालय कृष्णपुर स्थित शहिद स्मृति हलमा पार्टीका नेता एवम् जिल्ला समन्वय समितिका संयोजक रामचन्द्र अधिकारी, पार्टी पि. बि. एम. रेणु दाहाल, वाग्मती प्रदेश सदस्य अर्जुन पाठक, जिल्ला इन्चार्ज क. अविनाश, माओवादी केन्द्रका समानुपातिक सभासद् इश्वर सापकोटा क. सुमन, वाग्मती प्रदेश सदस्य इश्वरी भट्टराई लगायतका नेता तथा कार्यकर्ताको उल्लेख्य सहभागिता रहेको कार्यक्रम पार्टी सचिव दोर्णबाबु शिवाकोटीले सञ्चालन गरेका थिए।