प्रहरीका पूर्वअसई सहकर्मीलाई बलात्कार गरेको आरोपमा प्रकाउ
काठमाडौं ,फागुन १२ । नेपाल प्रहरीका पूर्वअसई राजेन्द्र राई सहकर्मीलाई बलात्कार गरेको आरोपमा पक्राउ परेका छन् ।
९ महिनाअघि आफू बलात्कृत भएको भन्दै एक महिला प्रहरीले राजेनद्रविरुद्ध महिला तथा बालबालिका सेल, कालीमाटीमा जाहेरी दिएपछि उनलाई पक्राउ गरिएको महानगरीय प्रहरी परिसरका प्रहरी नायव उपरीक्षक(डीएसपी) होविन्द्र बोगटीले जानकारी दिए ।
सहकर्मी बलात्कारको आरोप लागेपछि राईले यही फागुन १ गते राजीनामा दिएका थिए । राजीनामा दिनेबेला उनी प्रहरी प्रधान कार्यालयको सुरक्षा सेवा निर्देशनालयमा कार्यरत थिए ।राईलाई जिल्ला अदालत काठमाडौंबाट म्याद थप गराइ अनुसन्धान भइरहेको डीएसपी बोगटीले जानकारी दिएका छन् ।