उपत्यकामा निषेधाज्ञा खुकुलो बनाइयो : के खुल्ने, के नखुल्ने ? (सूचीसहित)
काठमाडौँ,भदौ १७ ।उपत्यकामा कोरोना संक्रमणमा वृृद्धि भएसँगै थप एक साताका लागि निषेधाज्ञा लम्ब्याइएको छ ।
यस्तै, आजबाट तीनवटै जिल्लामा निषेधाज्ञा केही हदसम्म खुकुलो बनायएको छ । आजबाट लागू हुनेगरी भक्तपुर, ललितपुर र काठमाडौँ तीनवटै जिल्ला प्रशासन कार्यालयले विभिन्न निर्णय गरेको छ ।
निर्णय अनुसार उपत्यकामा बिहान ११ बजेसम्म खाद्यान्न, फलफूल, तरकारीलगायत अत्यावश्यक सेवाहरु सञ्चालन गर्न पाइने भएको छ ।
त्यस्तै, विकास निर्माणसँग सम्बन्धित पसल, छोटो दूरीको ढुवानीका लागि प्रयोग हुने सवारी साधन दिउँसो २ देखि राति ९ बजेसम्म खुल्ने भएका छन् । यसअघि प्रतिबन्ध लगाइएको टेक अवे र उपभोग्य वस्तुको होम डेलिभरी सेवा पुन सञ्चालनमा ल्याइएको छ ।
यस्तै, अत्यावश्यक बाहेक घर बाहिर निस्कन प्रतिबन्ध गरिएको छ । १२ वर्ष मुनिका बालबालिका र ६० वर्ष माथिका जेष्ठ नागरिकलाई घर बाहिर ननिस्कन आग्रह गरिएको छ ।
