अन्तर्राष्ट्रिय लेखक तथा पत्रकार केन्द्रका अध्यक्ष हस्तबहादुर केसीद्धारा कमरेड माओत्सेतुङको जन्म दिवसमा हार्दिक श्रध्दान्जली अर्पण
आज विश्व सर्वहारा वर्गका महान् नेता तथा चिनियाँ कम्युनिस्ट पार्टीका अध्यक्ष कमरेड माओ त्सेतुङको १२७ आौ जन्म दिवस हो । आजकै दिन अर्थात् २६ डिसेम्बर सन १८९३ मा चीनको हुनान प्रान्तको श्याङश्यान काउन्टिको शाओसान गाउँमा एक किसान परिवारमा उहाँको जन्म भएको थियोे । कमरेड माओ एउटा अर्धसामन्ती र अर्ध उपनिवेशिक देशामा गरिने नयाँ जनवादी क्रान्तिका विचारक र क्रियान्यनकर्ता समेत हुनुहुन्छ र उहाँकै नेतृत्वमा सन १९४९ अक्टुवर १ का दिन महान् चिनियाँ नयाँ जनवादी क्रान्ति सम्पन्न भएको थियो।
कमरेड माओ माओवादको प्रतिपादक पनि हुनुहुन्छ अर्थात् सर्वहारा वर्गको नेतृत्वमा निरन्तर क्रान्तिको सिध्दान्तका सिध्दान्तकार समेत हुनुहुन्छ र आज माओवाद विश्व सर्वहारा वर्गको मुक्तिको सिध्दान्त बन्न पुगेको छ । जस्तो कि माक्र्सवाद – लेनिनवाद – माओवाद आज विश्व सर्वहारा वर्गको मुक्तिको सिध्दान्त बन्न पुगेको र माओवादलाई आत्मसात नगरीकन कोही पनि आज सच्चा कम्युनिस्ट बन्न सक्तैन ।
कमरेड माओले विश्व कम्युनिस्ट आन्दोलनमा जुन दर्शन , राजनीतिक अर्थशास्त्र र वैज्ञानिक समाजवादका क्षेत्रमा जुन योगदान पुर्याउन भएको छ , उहाँका ती सार्वभौम योगदानहरु रक्षा , प्रयोग र विकास गर्ने ऐतिहासिक कार्यभार आज विश्वभरका क्रान्तिकारी कम्युनिस्ट पार्टीहरु र सम्पूर्ण उत्पीडित राष्ट्र रतथा जनसमुदायको काँधमा आएको छ ।
यश ऐतिहासिक अवसरमा विश्वभर क्रियाशील क्रान्तिकारी लेखक तथा पत्रकारहरुको छाता संगठन हाम्रो अन्तर्राष्ट्रिय लेखक तथा पत्रकार केन्द्रले पनि कमरेड माओका ती सार्वभौम योगदानहरुको रक्षा र प्रयोग र विकास गर्ने विश्व सर्वहारा वर्ग र उत्पीडित राष्ट्र तथा जनसमुदायलाई समर्थन र सहयोग गर्ने र विश्व क्रान्तिको महान् अभियानमा लामबध्द हुने अटल विश्वास र प्रतिबद्धता जाहेर गर्दै कमरेड माओ प्रति हार्दिक श्रध्दान्जली अर्पण गर्दछ ।
क्रान्तिकारी अभिवादन सहित ।
मिति : २६ डिसेम्बर २०२०
( हस्तबहादुर केसी )
अध्यक्ष
अन्तर्राष्ट्रिय लेखक तथा पत्रकार केन्द्र
केन्द्रीय कार्यलय काठमाडौं , नेपाल
