टेलिकम ल्यायो ६० जीबी डेटासहित अनलिमिटेड भ्वाइस प्याक,साथमा एसएमएस पनि
काठमाडौं । नेपाल टेलिकमले आफ्ना पोस्टपेड प्रयोगकर्ताका लागि नयाँ अफर सञ्चालनमा ल्याएको छ ।
यो सँगै नेपाल टेलिकमका पोस्टपेड प्रयोगकर्ताहरूले ९ सय ९९ रुपैयाँमा एक महिना सम्म कुनै पनि नेटवर्कमा अनलिमिटेड कुराकानी गर्न सक्नेछन् ।
यसका साथै प्रयोगकर्ताले यही प्याक अन्तर्गत ६० जीबी डेटा समेत प्राप्त गर्ने जनाइएको छ ।
प्रतिदिन २ जीबीका दरले प्रयोगकर्ताले ३० दिन सम्म ६० जीबी डेटा प्रयोग गर्न सक्नेछन् । साथै ४०० ओटा एसएमएस पनि उपलब्ध हुने जनाइएको छ ।
कम्पनीले ‘सजिलो अनलिमिटेड पोस्टपेड प्याक’ अन्तर्गत यो अफर ल्याएको हो । यो अफरको लागि *१४१५# डायल गर्न सक्नुहुन्छ ।
अथवा नेपाल टेलिकमको मोबाइल एपबाट पनि यो प्याक खरिद गर्न सकिने छ ।