नेपाल ए र आयरल्यान्ड वोल्भ्सबीचको दोस्रो टी-२० खेल आज हुँदै
काठमाडौं ।नेपाल ए र आयरल्यान्ड वोल्भ्सबीचको टी-२० सिरिजको दोस्रो खेल आज हुदैछ। टियु मैदानमा हुने यो खेल अपराहन्न १ बजेदेखि शुरु हुने छ।
शुक्रबार सम्पन्न सिरिजको पहिलो खेलमा आयरल्यान्ड वोल्भ्सले नेपाल ए लाई २१ रनले पराजित गरेको थियो।
यसअघि विहिबार हुने तालिका भएपनि बर्षाका कारण खेल हुन नसकेपछि नेपाल क्रिकेट संघ (क्यान) ले सार्बजनिक गरेको नयाँ तालिका अनुसार शुक्रबार पहिलो खेल भएको थियो।
नयाँ तालिका अनुसार अब नेपाल ए आयरल्याण्ड वोल्भ्ससँग आज दोस्रो र अप्रिल १ मा तेस्रो टी-२० खेल खेल्ने छ। त्यसैगरी अप्रिल ३, ५ र ७ मा एकदिवसीय सिरिजका खेल्ने तालिका रहेको छ।
टी-२० सिरिज खेल्ने नेपाली ए टिम
विनोद भण्डारी (कप्तान), लोकेस बम, देव खनाल, पवन सराफ, किरण ठगुन्ना, आरिफ सेख, अर्जुन घर्ति, नारायण जोशी, बशीर अहमद, रसिद खान, सागर ढकाल, विपिन खत्री, कमल सिंह ऐरी, हेमन्त धामी र विकास आग्री रहेका छन्।