करेन्ट लागेर एक जनाको मृत्यु
रूकुम पश्चिम । विद्युत मर्मत गर्ने क्रममा रूकुम पश्चिममा करेन्ट लागेर एक जनाको मृत्यु भएको छ।
मुसिकोट नगरपालिका–३ मा विद्युतको पोलमा चढेर लाइन मर्मत गर्ने क्रममा गएराति साढे १० बजे करेन्ट लागेर रूकुम पूर्व सिस्ने गाउँपालिका–३ का २९ वर्षीय खिमबहादुर खड्काको ज्यान गएको प्रहरीले जनाएको छ।
विद्युत प्रशारण रोकिएपछि पोलमा चढेर लाइन बनाउने क्रममा करेन्ट लागेर खड्काको ज्यान गएको जिल्ला प्रहरी कार्यालय रूकुम पश्चिमका प्रमुख डिएसपी प्रमेश विष्टले बताए।
मृत खड्काको शव पोष्टमाटमका लागि अहिले जिल्ला अस्पताल सल्लेमा राखिएको र आवश्यक प्रक्रिया पुर्याएर आफन्तलाई बुझाउने तयारी रहेको प्रहरीको भनाइ छ।