रवि लामिछानेको पक्षमा हस्ताक्षर गरेका ट्राफिक प्रहरी खड्कामाथि छानबिन सुरु

काठमाडौं। राष्ट्रिय स्वतन्त्र पार्टी (रास्वपा) का सभापति रवि लामिछानेको पक्षमा जारी हस्ताक्षर अभियानमा सहभागी भएको आरोपमा नेपाल प्रहरीका ट्राफिक सई कमल खड्कामाथि छानबिन सुरु भएको छ। प्रहरी प्रधान कार्यालयले उनलाई झिकाएर अनुसन्धान प्रक्रिया थालेको हो।

सभापति लामिछाने हाल सहकारी ठगी, संगठित अपराध र सम्पत्ति शुद्धीकरण जस्ता गम्भीर आरोपमा भैरहवा कारागारमा रहेका छन्। उनलाई सानो पाइला सहकारी ठगी प्रकरणमा पर्सा जिल्ला अदालतमा मुद्दा दायर भएको छ।

जिबी राई जोडिएका सहकारीको रकम अपचलनमा लामिछानेको पनि संलग्नता रहेको भन्दै उनीमाथि अहिले अनुसन्धान भइरहेको छ। यही सन्दर्भमा रास्वपाले लामिछानेमाथिको कारबाही राजनीतिक प्रतिशोधबाट प्रेरित भएको भन्दै दबाबस्वरुप नागरिक स्तरबाट हस्ताक्षर अभियान चलाइरहेको छ।

तर, यही अभियानमा नेपाल प्रहरीका ट्राफिक सई खड्काले हस्ताक्षर गरेको तस्बिर सामाजिक सञ्जालमा भाइरल भएपछि जिम्मेवारी खोस्दै प्रहरी प्रधान कार्यालयमा झिकाएर उनीमाथि अनुसन्धान सुरु भएको हो।

नेपालमा सरकारी कर्मचारी र प्रहरी अधिकारीहरूले राजनीतिक गतिविधिमा सहभागी हुन पाउँदैनन्। प्रहरीले राजनीतिक निष्पक्षता कायम राख्नुपर्छ र कुनै पनि पार्टी वा नेताको पक्ष-विपक्षमा सार्वजनिक रूपमा बोल्न वा हस्ताक्षर गर्न हुँदैन।

यसैकारण ट्राफिक सई कमल खड्काले यस्तो हस्ताक्षर अभियानमा सहभागी भएको तस्बिर सामाजिक सञ्जालमा भाइरल भएपछि प्रहरी प्रधान कार्यालयले उनीमाथि छानबिन सुरु गरेको हो। यो एउटा गम्भीर मामला हो किनकि यसले प्रहरीको राजनीतिक निष्पक्षताको सिद्धान्तलाई चुनौती दिन्छ।

रास्वपाले आफ्ना सभापतिमाथि भएको कारबाहीलाई राजनीतिक प्रतिशोधको संज्ञा दिँदै विरोध जनाएको छ। पार्टीले लामिछानेमाथिको आरोपहरू निराधार भएको दाबी गर्दै न्यायिक प्रक्रियामा राजनीतिक हस्तक्षेप भएको आरोप लगाएको छ।

यसैबीच प्रहरी प्रधान कार्यालयले ट्राफिक सई खड्काको कार्यबारे विस्तृत छानबिन गरिरहेको जनाएको छ। प्रहरी नियमावली अनुसार कुनै पनि प्रहरी कर्मचारीले राजनीतिक गतिविधिमा सलंग्न हुन नपाउने व्यवस्था छ।

यो घटनाले नेपाली राजनीतिमा प्रहरी र अन्य सुरक्षा निकायको निष्पक्षताको विषयमा नयाँ बहस सुरु गरेको छ। यस्ता घटनाहरूले लोकतान्त्रिक संस्थाहरूको विश्वसनीयतामा प्रभाव पार्न सक्ने अवस्था सृजना हुन सक्छ।

प्रहरी प्रधान कार्यालयले सई खड्काको विषयमा छानबिन सकिएपछि मात्र कुन किसिमकाे कारबाही गर्ने भन्ने निष्कर्षमा पुग्ने जनाएको छ। यदि उनी दोषी पाइए भने उनीमाथि विभागीय कारबाही हुने छ।