देशको राजनीतिक र सामाजिक अवस्था अधोगतितर्फ उन्मुख: शेखर कोइराला
काठमाडौं। नेपाली कांग्रेसका सांसद डाक्टर शेखर कोइरालाले हरेक दिन देशको राजनीतिक र सामाजिक अवस्था अधोगतितर्फ उन्मुख रहेको बताएका छन्।
काठमाडौंमा शुक्रवार ज्ञानज्योति महिला माध्यमिक विद्यालयको २० औं वार्षिकोत्सव समारोहलाई सम्बोधन गर्दै उनले यस्तो बताएका हुने।
उनले स्खलनतर्फ उन्मुख देशको राजनीतिक र सामाजिक अवस्थालाई उकास्ने जिम्मा विद्यालय, राजनीतिज्ञ र कर्मचारीहरूको भएको बताए। उनले सबै मिलेर कसरी देशलाई अघि बढाउन सकिन्छ ?भन्ने सकारात्मक सोचका साथ अघि बढ्न जरुरी रहेको बताए।
सांसद कोइरालाले कनिका छरेको जस्तो अनुदान दिएर विद्यालय विकास हुन नसक्ने बताउनु भयो। उनले लोकतन्त्रमा शिक्षा नै सबैभन्दा महत्वपूर्ण रहेको उल्लेख गर्दै शिक्षित समाज बनाउन जरुरी रहेको बताए।
सांसद कोइरालाले राज्यमा भएका सामुदायिक विद्यालयलाई कसरी राम्रो बनाउने भन्नेमा सरकार जानुपर्ने बताउनु भयो। शिक्षाले नै विश्वलाई चिनाउन सक्ने भएकाले शिक्षामा पहिलो जोड दिनुपर्ने बताए।