यी २१ निर्माण कम्पनी कालोसूचीमा
काठमाडौं । प्रधानमन्त्री कार्यालय मातहतको सार्वजनिक खरिद अनुगमन कार्यालयले २१ विभिन्न निर्माण तथा सप्लायर्स कम्पनीलाई कालोसूचीमा राखेको छ । विभिन्न सार्वजनिक निकायबाट प्राप्त सिफारिसका आधारमा कार्यालयले ती २१ कम्पनीलाई कालोसूचीमा राखेको हो ।
सार्वजनिक खरिद अनुगमन कार्यालयले बिहीबार एक सूचना जारी गर्दै तीनवटा कम्पनीलाई दुई वर्षका लागि अरु १९ कम्पनी एक वर्षका लागि कालोसूचीमा राखिएको जनाएको हो ।
सूचनाअनुसार ती कम्पनीले सन्तोषजनक काम नगरेको, काम समयमा नगरेकाले कालोसूचीमा राखिएको हो । कालोसूचीमा परेकाहरुले कालोसूचीमा राखिएको अवधिभर सार्वजनिक निकायका कुनै पनि खरिद प्रक्रियामा भाग लिन पाउने छैनन्।