अम्पायरलाई कुट्ने धम्कीपछि क्यानको कारबाहीमा करण केसी
काठमाडौं । विवादित स्टाटसलाई लिएर क्रिकेटर करण केसी कारबाहीमा परेका छन् । उनलाई नेपाल क्रिकेट संघ ९क्यान० ले एक म्याच प्रतिबन्ध तथा म्याच फी काट्ने निर्णय गरेको छ।
जारी प्रधानमन्त्री कप राष्ट्रिय प्रतियोगितामा पुलिस टीमबाट खेल्दै आएका केसीले प्रतिवन्धका कारण आजको म्याच खेल्न पाएनन् । आज नेपाल पुलिस र मधेसबीच खेल थियो। आजको म्याचको म्याच फी पनि काटिएको छ।
करणको अभिव्यक्ति खेल भावना अनुरूप नभएको क्यानको ठहर छ। प्रवक्ता छुम्बी लामाद्वारा जारी विज्ञप्तिमा उनलाई पीएम कपको एक खेलमा प्रतिबन्ध लगाइएको साथै १०० प्रतिशत म्याच शुल्क जरिवाना गर्ने निर्णय भएको उल्लेख छ।
करणले हिजो फेसबुकमा अम्पायरहरूप्रति धम्कीयुक्त स्टाटस लेखेका थिए। कुनै खेलाडीले अम्पायरलाई गल्तीले पिटेमा कति म्याच प्रतिबन्ध हुन्छ रु भन्ने उनको प्रश्न थियो। करणको उक्त स्टाटसलगत्तै क्रिकेट अम्पायर तथा स्कोरर संघले आकस्मिक बैठक बसेर विज्ञप्ति नै जारी गरी आपत्ति जनाएको थियो।
करणले हिजै उक्त स्टाटस हटाएर क्षमायाचना गरिसकेका छन् । तर, अम्पायर्स संघका अध्यक्ष मोहम्मद सफिकले क्षमायाचनाले मात्रै नपुग्ने भन्दै आपत्ति जनाएपछि क्यानले कारबाहीको निर्णय गरेको हो।
