‘रवि र बालेनको मान्छे हुँ’ भन्दै गुटबन्दीमा नलाग्न रविको सांसदहरुलाई निर्देशन
काठमाडौं। राष्ट्रिय स्वतन्त्र पार्टी (रास्वपा)का सभापति रवि लामिछानेले पार्टी सांसदहरुलाई गुटबन्दीमा नलाग्न निर्देशन दिएका छन्।
पार्टीका सांसदहरूका लागि आयोजना गरिएको दुई दिने प्रशिक्षण कार्यक्रमको समापन सभालाई सम्बोधन गर्दै उनले रविको मान्छे र बालेनको मान्छे हो भन्दै हल्ला गर्ने गरेको पाइएको भन्दै पार्टीभित्र त्यस्तो कुनै गुटबन्दी नगर्न निर्देशन दिए।
उनले ७० वर्षअघि राजनीतिक रुपमा मिल्नुपर्ने व्यक्तिहरु नमिलेकै कारण नेपाल ७० वर्ष पछाडि धकेलिएको टिप्पणी गरे। प्रधानमन्त्री शाह र आफूबीच कुनै व्यक्तिगत मुद्दाका लागि एकता नभएको पनि उनको भनाइ छ। लामिछानेले आफूहरुलाई फुटेको चाहना राख्ने सञ्चारमाध्यमहरुप्रति असन्तुष्टि व्यक्त गर्दै आफूहरु राजनीतिक रुपमा परिपक्व भएको बताए।
उनले भने, ‘म त यताको हो नि, म त उताको होनि भनेको कारण मन्त्री नभएका साथीहरु पनि हुनुहुन्छ। हामी यत्तिकै एउटा कार्यकालको लागि मिलौँ न त भने होइन यो देशमो इतिहास सम्झिएर, भविष्यको सपना बुनेर यो सहयात्रामा हिँडेका साथीहरु हौँ। हामी व्यक्तिगत कुरालाई माग मुद्दा बनाएर हिँडेका छैनौँ।
त्यसकारण यो सब बन्द गर्नुपर्छ। यसको कुनै गुन्जायस नै छैन। सम्भावना नै छैन। ७० वर्ष अगाडि यो देशमा मिल्नुपर्ने मान्छेहरुबीच झगडा परेको कारणले हामी ७० वर्ष पछाडि परेका छौँ।
त्यसकारण यो सम्भव छैन। कहिलेकाँही मिडियाका साथिहरुले फुटाउने रहर लागेर अनेक हेडलाइन दिन्छन्। बडो मुख मिठ्याउनुहुन्छ। आई एम सरी, वास्ना त आउला तर खाना सर्बिस हुनेवाला छैन। वी आर पोलिटिकल्ली म्याचुअर इाअफ।