दैनिक चना खानाले मुटुलाई स्वस्थ राख्नुको साथै यी फाइदाहरू पुग्छ,यस्तो छ खाने तरिका
काठमाडौं। तपाई हामीले खाँदै आएको चनाले रगतमा कोलेस्ट्रोलको मात्रा नियन्त्रण तथा मुटुलाई स्वस्थ राख्न अचुक औषधिको काम गर्छ ।
चना स्वादका लागी मात्र नभइ स्वास्थका लागी पनि उत्तिकै फाइदा जनक मानिन्छ । चना हरेक बिहान भिजाएर एक मुठी खाने गर्नाले धेरै फाइदा मिल्ने गर्दछ ।
चना उर्जाको ठूलो श्रोत हो भएको हुँदा यसको सेबनले कमजोरीबाट मुक्ति पाइन्छ । भिजाएको चनामा धेरै फाइबर पाइने हुनाले यसले पाचन क्रियालाई सन्तुलित पार्दछ र कब्जियत पनि हटाउँदछ ।
भिजेको चनालाई महमा मिलाएर खानाले प्रजनन शक्ति तथा यौँन क्षमता पनि बढाउँदछ । शरीरको वजन वृद्धि गर्न, मांशपेशी बढाउन तथा ससक्त बनाउन पनि चनाको नियमित सेवन गर्नु राम्रो मानिन्छ ।
रगतमा कोलेस्ट्रोलको मात्रा नियन्त्रण गरी मुटुलाई स्वस्थ राख्न तथा मुटु र रगत सम्बन्धी समस्याबाट जोगाउन पनि चनाले सहयोग गर्दछ ।
भिजाएको चना नियमित रुपमा खानाले रक्तअल्पताको समस्याबाट बच्न सकिन्छ किनकी चना आइरनको राम्रो स्रोत हो । पटक पटक पिसाब गइरहनुपर्ने समस्या भएकाहरुले हरेक बिहान भिजाएको चना खाँदा राम्रो मानिन्छ ।