कञ्चनपुरको गोबरैयामा दिउँसै रुपौयाँ र गहना लुटपाट
काठमाडौं। भीमदत्त नगरपालिका-४ गोबरैयामा भारतीय लुटेराहरुले बुधबार दिउँसै लुटपाट गरेका छन्।
निङ्लाशैनी मन्दिर नजिक गीताचन्द सिंहको घरमा चार जनाको समूहले दिउँसै एक लाख रुपौयाँसहित सुनका गहना लुटेको पीडितले प्रहरीलाई जानकारी दिएका छन्।
जिल्ला प्रहरी कार्यालयका प्रहरी निरीक्षक लालबहादुर बमका अनुसार पीडितको उजुरीमा भारतीय नागरिकजस्ता देखिने चार जनाले हातखुट्टा बाँधेर चोरी गरेको उल्लेख गरिएको छ।
प्रहरीले घटना बारे अनुसन्धान थालेको छ।