अभिनेता अनमोल केसी पक्राउ
काठमाडौं । आपराधिक विश्वासघात गरेको आरोपमा अभिनेता अनमोल केसी पक्राउ परेका छन्।
उपत्यका अपराध अनुसन्धान कार्यालय, काठमाडौंको टोलीले साँगाबाट उनलाई पक्राउ गरेको एसपी रवीन्द्र रेग्मीले बताए।
रावायण नामक फिल्ममा भएको विवादलाई लिएर निर्माता समूहले केसीविरुद्ध आपराधिक विश्वासघातको कसुरमा किटानी जाहेरी दिएका थिए।
उनलाई भक्तपुरको साँगाबाट साँझ साढे ५ बजे प्रहरीले नियन्त्रणमा लिइएको छ। थप अनुसन्धानका लागि हिरासतमा राखिएको प्रहरीले जनाएको छ।
निर्माण कम्पनी सुदर्शन थापा प्रोडक्सन प्रालिको तर्फबाट सुप्रिया भन्ने चन्द्रकला कटुवालले उजुरी दिएकी थिइन्।
उक्त उजुरीको आधारमा अनमोलविरुद्ध केही दिनअघि मात्र पक्राउ पुर्जी जारी भएको प्रहरीले जनाएको छ। प्रहरीले खोजी गरिएको अवस्थामा सूचना पाएपछि केसीलाई साँगाबाट पक्राउ गरिएको थियो।
उपत्यका अपराध अनुसन्धान कार्यालयका प्रमुख एसएसपी सोमेन्द्रसिंह राठौरका अनुसार, केसीले फिल्म खेल्छु भनेर बैंक ट्रान्सफरमार्फत १० लाख रुपैयाँ लिएका थिए। तर, फिल्म खेल्न मानेका थिएनन् ।
यही फिल्मलाई लिएर निर्माण पक्षको एक करोड ५ लाख रुपैयाँ बजारमा गइसकेको समेत उनले बताए।
‘जाहेरी आएपछि धेरै पटक छलफलका लागि बोलाउँदा केसी नगएपछि प्रहरीले पक्राउ गरेको जनाएको छ।