आज मिति २०८२ साल असार २६ गते बिहीबार पाथिभरा माताको दर्शन गरि आजको राशिफल पढ्नुहोस्

मेष चु, चे, चो, ला, लि, लु, ले, लो, अ- छर छिमेकमा केही असमझदारी बढ्ने योग देखिएपनि समाधान पनि हुनेछ। धेरै परिश्रमबाट थोरै लाभ मिल्ने योग छ। घर खर्च पनि बढ्नेछ। पति र पत्नी बीच असमझदारी बढ्न सक्छ। आयआर्जनको कमीले वादविवाद पनि हुन सक्छ।

वृष इ, उ, ए, ओ, बा, बि, बु, बे, बो- आयआर्जन बढ्ने र उठ्नु पर्ने रकम हात लागि हुने समय छ। पेटको समस्याले सताउन सक्छ, सचेत रहनुपर्नेछ। साथीभाइले धोका दिने र परिवारजनले समेत साथ नदिन सक्छन्, सावधान रहनु होला।

मिथुन का, कि, कु, घ, ङ, छ, के, को, हा- नयाँ शिप तथा ज्ञान प्राप्त हुने योग छ। पढाइमा प्रगति हुनेछ । धर्म कर्म र समाजसेवामा विशेष लगाव बढ्नेछ। कृषि र पशुपालनबाट फाइदा होला। गरेको यात्रा उपलब्धी मूलक बन्नेछ र काममा उत्साह जाग्नेछ। सन्तानबाट पनि सुख मिल्नेछ।

कर्कट हि, हु, हे, हो, डा, डि, डु, डे, डो- वैदेशिक क्षेत्रबाट लाभ उठाउने मौका छ । चिताएको काम बन्ने देखिन्छ । कुटुम्ब वा आफन्तजनको सहयोगले विशेष फाइदा उठाउन सकिनेछ। नयाँ काम बन्नेछ। परिश्रमको राम्रो मूल्यांकन हुनेछ, वैदेशिक रोजगारीको काममा भने केही समस्या आउनेछ।

सिंह मा, मि, मु, मे, मो, टा, टि, टु, टे-खर्च लागेपनि दिगो फाइदा हुने काममा लगानी गर्ने अवसर जुट्न सक्छ। विद्यार्थीहरूमा पढाइ लेखाइको स्तर खस्कनेछ। पारिवारिक समस्याहरू देखा पर्नेछन् । मित्रजनसँग मनमुटाव हुन सक्छ। विश्वासमा पारेर धोका दिनेछन्।

कन्या टो, पा, पि, पु, ष, ण, ठ, पे, पो- विशेष सभा समारोहमा भाग लिने मौका छ। मान सम्मान पनि पाइनेछ। धार्मिक तथा सामाजिक काममा रुचि जाग्नेछ। साना व्यक्तिको सहयोगले ठूलो फाइदा उठाउन सकिनेछ। आयआर्जनका नँया स्रोतहरू थपिनेछन्। कामको दायित्व बढ्नेछ।

तुला रा, रि, रु, रे, रो, ता, ति, तु, ते- प्रेम र मित्रताको बन्धन कसिएर जाला, पढाइमा सुधार हुने दिन छ। सामान्य र उद्योग तथा व्यापारमा राम्रै लाभ मिल्ने देखिन्छ। व्यापार व्यवसायमा प्रगति हुनेछ। नयाँ उद्योगधन्दाको थालनी गर्न सकिनेछ।

वृश्चिक तो, ना, नि, नु, ने, नो, या, यि, यु- स्वादिष्ट भोजनको आनन्द मिल्नेछ। परिवारजनसँग आत्मीयता बढ्नेछ। पितृधनको उपयोगबाट विशेष फाइदा उठाउन सकिनेछ। आर्थिक अभावले सताउन सक्छ। विश्वास गरेकाले धोका दिन सक्छन्, होसियार रहनु होला।

धनु ये, यो, भ, भि, भु, ध, फा, ढ, भे- कृषि तथा पशुपालनमा त्यति लाभ नभए पनि व्यापारमा प्रशस्त फाइदा हुने योग छ। आर्थिक अभावले भने अलि सताउनेछ। व्यवसायमा केही उतार चढाव आउला। पेट र छाती सम्बन्धी समस्याले सताउन सक्छ। विद्यार्थीहरूका लागि भने अनुकूल समय छ।

मकर भो, ज, जि, खि, खु, खे, खो, गा, गि- चुनौतीहरू पन्छ्याउँदै रोकिएका काम बनाउन सकिनेछ। धैर्यले काम लिने समय छ। बौद्धिक प्रभाव बढ्नुका साथै विभिन्न अवसर पाइने समय छ। कुटुम्बको सहयोग प्राप्त होला। व्यापार व्यवसायमा विस्तार हुनेछ। कृषि कर्म र चौपायाबाट पनि प्रशस्त लाभ हुनेछ।

कुम्भ गु, गे, गो, सा, सि, सु, से, सो, द- गरेका कामबाट प्रशस्त लाभ हुनेछ। श्रमको उचित मूल्यांकन होला। सन्तानबाट सुख मिल्ने योग छ। रोकिएका काम सुरु हुनेछन्। बौद्धिक पक्ष सबल बन्नुका साथै मान सम्मान पाइनेछ। आयआर्जनका स्रोत बढ्नेछन्।

मीन दि, दु, थ, झ, ञ, दे, दो, चा, चि- टाढाको यात्रा गर्ने प्रक्रिया अघि बढ्न सक्छ, साथै धनजनको आर्जन होला। आम्दानीका विभिन्न माध्यम फेला पर्नेछन्। यात्राको योग छ। रोजगारीमा बाधाका साथै प्रतिकूल स्थानान्तरण जस्ता समस्या आइपर्ने देखिन्छ।