आज मिति २०८२ साल असार २७ गते शुक्रबार लक्ष्मी माताको दर्शन गरि आजको राशिफल पढ्नुहोस्

मेष चु, चे, चो, ला, लि, लु, ले, लो, अ- सानातिना काममा महत्वपूर्ण समय बित्नेछ। सहयोगीहरूको साथ दिएपनि काम पूरा नहुने समय छ। गरेका कामबाट ठूलो उपलब्धी लिन सकिंदैन, समयको ब्यर्थ नाश होला। व्यर्थको खर्च होला।

वृष इ, उ, ए, ओ, बा, बि, बु, बे, बो- आहार विहारमा विशेष सतर्क रहनु राम्रो हुन्छ, स्वास्थ्य कमजोर छ। सोचेको काम समयमै सम्पन्न नहोला। अवसरको खोजीमा केही दौडधूप गर्नुपर्ला। अनावश्यक यात्राको योग छ। सुखको अनुभव हुन्छ।

मिथुन का, कि, कु, घ, ङ, छ, के, को, हा- पढाइमा सफलता पाउने तथा धर्ममा रुचि बढ्नेछ। माता पितासँगको भेटघाटले मनमा हर्ष उल्लास छाउनेछ। श्रद्धा र परोपकारमा मन जानेछ। स्वास्थ्यमा भने कमजोरी अनुभव हुनेछ । खर्चभन्दा कमाई नै बढी हुनेछ। शिक्षामा पनि राम्रो प्रगति हुनेछ।

कर्कट हि, हु, हे, हो, डा, डि, डु, डे, डो- पैसा कमाउने योग छ । पारिवारिक सुख मिल्ने दिन छ भने ब्यापारमा पनि फाइदाकै योग रहेको देखिन्छ । दुःखमा साथ दिनेहरू प्रशस्तै भेटिनेछन् । साथै पैसा कमाइने छ । विपरित लिङ्गिको हौसलाले मन रमाउनेछ।

सिंह मा, मि, मु, मे, मो, टा, टि, टु, टे- मनमा उदासिनता बढ्ने, काममा अवरोध सिर्जना गर्नेहरु सकृय हुनेछन्। विश्वास गरेकाले धोका दिनेछन् । बिहान काम बन्नेछ, बेलुका सामान्य तनाव होला। इष्टमित्रहरुसँग असमझदारी बढ्न सक्छ। मुद्दा मामिलामा पर्न सकिएला। दिन प्रतिकूल भएकाले काममा बाधाहरुको पनि सामना गर्नुपर्ला।

कन्या टो, पा, पि, पु, ष, ण, ठ, पे, पो- स्वास्थ्यका दृष्टिकोणले समेत यो राम्रो समय छ । आर्थिक लाभ हुनेछ, मान सम्मान पनि पाउन सकिन्छ । पेशागत रुपमा समस्या देखिन सक्छ । केहि सुख केहि दुख हुनेछ । नोकरीमा झमेला ब्यहोर्नु पर्ला।

तुला रा, रि, रु, रे, रो, ता, ति, तु, ते- काम बन्नाले मन रमाउने छ । गुरुजनको सहयोग र बुद्धिको उपयोगले लक्ष्य पहिल्याउन सकिनेछ । धन कमाउने योगका साथै फलिफाव हुने दिन छ । पशुधनबाट प्रशस्त फाइदा हुने देखिन्छ । काम बन्नाले सुखको अनुभव मिल्नेछ ।

वृश्चिक तो, ना, नि, नु, ने, नो, या, यि, यु- व्यापारबाट राम्रै आम्दानी हुन सक्छ। नसोचेको काम बन्ने छ, प्रियसाथीसँग पनि भेटघाट होला । काम बन्नाले सुखको अनुभव हुन्छ। नोकरीमा दिन सामान्य रहला । अनेक किसिमका फाइदा हुनेछ।

धनु ये, यो, भ, भि, भु, ध, फा, ढ, भे- खानामा सचेत रहनु पर्ने दिन छ। अनावश्यक झमेलामा परिएला, यात्राको क्रममा सावधान रहनु होला। काममा समस्या देखिएला। अनेक किसिमका झमेलामा परिएला । काममा समस्या देखिएला।

मकर भो, ज, जि, खि, खु, खे, खो, गा, गि- काम रोकिएपनि अप्ठ्यारोमा साथ दिनेहरू भेटिनेछन्। अन्न लाभ होला, अनौठो खबर सुन्न पाइएला । तपाइको आफ्नो विचारले धेरैलाई आकर्षण गर्ने समय छ । धन कमाउने योग छ । परोपकारका काममा पनि मन जानेछ।

कुम्भ गु, गे, गो, सा, सि, सु, से, सो, द- आयआर्जन हुने दिन छ, यात्राको सम्भावना छ । नउठ्ने पैसा उठेर मनमा कता कता हर्ष छाउनेछ । अनौठो तरिकाले कमाइ भइ मन खुशी बन्ला । टाढाको यात्राको पनि योग रहेको छ। फलिफाब हुने दिन छ।

मीन दि, दु, थ, झ, ञ, दे, दो, चा, चि- घरमा पाहुना आगमनको दिन छ, धनको लाभ होला। साथै रमाइलो यात्राको पनि योग रहेको छ । टाढाको यात्रा गर्ने योजनामा हुनुहुन्छ भने केही दिनका लागि स्थगित गर्नु बेस हुनेछ। केहि सुख केहि दुख हुनेछ।