काठमाडौं महानगरको कार्यपालिका बैठक बस्दै
काठमाडौं। काठमाडौं महानगरपालिकाको कार्यपालिका बैठक आज बस्दै छ। बैठक आज दिउँसो २ बजे बस्ने भएको हो।
महानगरको लामो समयदेखि कार्यपालिका बैठक बस्न सकेको छैन। जसका कारण काठमाडौं महानगरले आगामी आर्थिक वर्षको बजेज ल्याउन सकेको छैन।
लामो समयदेखि कार्यपालिका बैठक नै बस्न नसकेपछि गत जेठ १२ गते महानगरका ४१ सदस्यले मेयर बालेन शाहलाई पत्र लेख्दै बैठक बोलाउन आग्रह गरेका थिए।
महानगरका अनुसार शुक्रवार बिहान ११ बजे सुरुमा मेयरको संयोजकत्वमा हुने स्रोत अनुमान तथा बजेट निर्धारण समितिको बैठक बस्नेछ। त्यसपछि उपप्रमुख सुनिता डंगोल नेतृत्वको बजेट तथा कार्यक्रम तर्जुमा समितिको बैठक बस्नेछ।
बैठकले नीति तथा कार्यक्रम र बजेट नगर सभामा पेस गर्नेछ भने सोही कार्यपालिकाले नगर सभाको मिति तोक्ने छ।