निर्वाचन गर्न सबैको सहमति चाहिन्छ: प्रचण्ड
काठमाडौं । नेपाली कम्युनिष्ट पार्टीका संयोजक पुष्पकमल दाहाल प्रचण्डले निर्वाचनको वातावरण बनाउन सबै राजनीतिक दलहरूको सहमति चाहिने बताएका छन्। सोमबार पार्टी मुख्यालय पेरिसडाँडामा सञ्चारकर्मीसँग कुरा गर्दै प्रचण्डले सबै राजनीतिक दलहरूको सहमति भए निर्वाचनको वातावरण बन्ने बताए।
‘सबै सहमत भएर सबैले जिम्मेवारीपूर्वक र गम्भीरताको साथ निर्वाचन प्रक्रियामा लाग्नुपर्छ’ उनले भने,घोषित निर्वाचन समयमा नै हुनुपर्छ। समयमा नै होस् भन्नको निम्ति वातावरण बनाउन सबैको बीचमा सहमति चाहिन्छ।साथै उनले फागुन २१ गते नै निर्वाचन हुनुपर्नेमा बताए।
पार्टीको पूर्वपदाधिकारीहरूको बैठक मंगलबा टुङ्ग्याउने उनले जानकारी दिए। ‘जिम्मेवारी बाँडफाँड र एकताको सन्देश समानान्तर रूपले लैजाने भन्ने भएको छ। धेरै राम्रा सुझावहरू आएका छन्। हामी भोलि टुङ्ग्याउँछौँ,उनले भने ।