दोलखामा हवाई फायरपछि मतदान रोकियो
काठमाडौं। दोलखाको मालु मतदान स्थलमा मतदान रोकिएको छ। तामाकोशी गाउँपालिका-४ मालु मतदान गर्ने क्रममा विवाद भएपछि मतदान नै रोकिएको हो।
निर्वाचनमा खटिएका कर्मचारीमाथि हातपात हुन खोजेपछि प्रहरीले हवाई फायर गरेको थियो। हवाई फायरपछि नाराबाजी सुरु भएको थियो। लगत्तै सर्वदलीय बैठक डाकिएको र मतदान सुरु गर्नेबारे छलफल जारी रहेको बताइएको छ।
दोलखामा हवाई फायर
दोलखामा हवाई फायर भएको छ। मतदान गर्ने क्रममा विवाद भएपछि स्थिति नियन्त्रणमा लिन प्रहरीले हवाई फायर गरेको हो।
जिल्ला प्रशासन कार्यालय दोलखाका सहायक प्रमुख जिल्ला अधिकारी औलाखबहादुर आलेले हवाई फायर भएको पुष्टि गरे।
निर्वाचन खटिएका कर्मचारीमाथि नै हातपात गर्न खोजेपछि हवाई फार भएको हो। अहिले सामान्य नाराबाजी भइरहेको छ,आलेले अनलाइनखबरसँग भने। दोलखाको मालु मतदानस्थलमा विवाद भएको हो।