२० दिनको बिदापछि इजलास फर्किन् न्यायाधीश सपना प्रधान मल्ल
काठमाडौं । प्रधानन्यायाधीश नियुक्तिपछि २० दिन लामो बिदामा बसेकी सर्वोच्च अदालतकी न्यायाधीश सपना प्रधान मल्ल इजलास फर्किएकी छन्।
सोमबार सर्वोच्च अदालतमा हाजिर भएकी मल्लले आजैबाट मुद्दाको सुनाइसमेत थाल्ने भएकी छन् ।सोमबार न्यायाधीश मल्लका दुईवटा इजलास तोकिएको छ। मल्लको एकल इजलास र न्यायाधीश मेघराज पोखरेलसँग संयुक्त इजलाससमेत छ।
मल्ल सरकारले आफूलाई प्रधान न्यायाधीश नियुक्त नगरेपछि असन्तुष्ट बनेकी थिइन्। सरकारले मनोजकुमार शर्मालाई प्रधानन्यायाधीश नियुक्त गरेपछि भोलिपल्टै उनी बिदामा बसेकी थिइन् । बिदामा बसेपछि उनी पहिलोपटक सोमबार अदालतमा हाजिर भएकी हुन्।