आज असार २५ गते बिहिबार,यस्तो छ तपाईको राशिफल

मेष- जीवनसाथी वा प्रेमी–प्रेमिकाबाट अपेक्षित साथ र सहयोग प्राप्त हुने सम्भावना छ । मनमा रहेका व्यक्तिगत समस्या खुलेर साझा गर्दा समाधानको बाटो भेटिन सक्छ । आर्थिक क्षेत्रमा नयाँ रणनीति अपनाउँदा सकारात्मक परिणाम प्राप्त हुन सक्छ ।

वृष- धनसम्पत्ति र बहुमूल्य वस्तुको सुरक्षामा विशेष ध्यान दिनु आवश्यक छ । अनावश्यक जिद्दीपनले अवसर गुम्न सक्छ । अध्ययन र करियरमा ध्यान केन्द्रित गर्नु लाभदायी हुनेछ । सफलता प्राप्त गर्न मेहनत र धैर्य दुवै आवश्यक देखिन्छ ।

मिथुन- पदोन्नति, नयाँ जिम्मेवारी वा यात्राको अवसर मिल्न सक्छ । सरकारी तथा प्रशासनिक काम अघि बढाउन दिन अनुकूल छ । सहकर्मी र साथीभाइको सहयोगले कार्यसम्पादन सहज बन्नेछ । सम्बन्धमा विश्वास र समझदारी बढ्ने संकेत छ ।

कर्कट- लेखन, परामर्श, सूचना प्रविधि, शेयर बजार तथा कानुनी क्षेत्रसँग सम्बन्धित व्यक्तिका लागि दिन फलदायी रहनेछ । परिवारबाट साथ र आशीर्वाद मिल्नेछ । परीक्षा वा प्रतिस्पर्धाको तयारी गरिरहनुभएको छ भने मेहनतको राम्रो प्रतिफल प्राप्त हुन सक्छ ।

सिंह- कार्यक्षेत्रबाट सुखद समाचार प्राप्त हुन सक्छ । वरिष्ठको सुझावले लक्ष्य हासिल गर्न सहयोग पुग्नेछ । प्रतिष्ठा र सम्मान बढ्ने संकेत छ । प्रेम सम्बन्धमा निकटता र विश्वास थप मजबुत बन्नेछ ।

कन्या- सहकर्मीसँग समन्वय गरेर अघि बढ्नु लाभदायी हुनेछ । हतारमा वा दबाबमा निर्णय नगर्नुहोस् । साथीभाइसँग सामान्य मनमुटाव हुन सक्ने भएकाले संयमता अपनाउनु उचित हुनेछ । गोपनीय विषयमा अनावश्यक चासो नराख्नु राम्रो हुन्छ ।

तुला- काममा सहजता आउनेछ । कला, साहित्य वा सिर्जनात्मक क्षेत्रमा लागेकाले नयाँ योजना तयार पार्न सक्नेछन् । व्यक्तित्वमा आकर्षण बढ्नेछ । तर आफ्नै स्वार्थमा केन्द्रित हुँदा सम्बन्धमा दूरी आउन सक्छ, त्यसतर्फ सचेत रहनुहोस् ।

वृश्चिक- एकान्तमा बसेर सोच्ने र मनका कुरा साझा गर्ने अवसर मिल्न सक्छ । स्वास्थ्यमा सामान्य उतारचढाव देखिन सक्ने भएकाले सावधानी अपनाउनुहोस् । व्यवसाय सामान्य रहेपनि चुनौती सामना गर्नुपर्ने अवस्था आउन सक्छ ।

धनु- कला, साहित्य तथा संगीतमा रुचि बढ्नेछ । आत्मविश्वासका कारण काममा सफलता मिल्नेछ । शिक्षा, व्यापार तथा सुनचाँदी व्यवसायसँग सम्बन्धित व्यक्तिका लागि दिन शुभ छ । परिवारमा खुसी र आपसी समझदारी कायम रहनेछ ।

मकर- अध्ययनमा मेहनतको राम्रो प्रतिफल प्राप्त हुनेछ । मनोरञ्जन वा सामाजिक सञ्जालमा बढी समय खर्च गर्दा लक्ष्य प्रभावित हुन सक्छ । पारिवारिक विषयमा सोचविचार गरेर निर्णय लिनु उपयुक्त हुनेछ । संयमित भएर अघि बढे सफलता मिल्नेछ ।

कुम्भ- परिश्रमअनुसारको उपलब्धि प्राप्त हुनेछ । आफन्त र साथीभाइसँगको सम्बन्ध अझ बलियो बन्नेछ । धार्मिक तथा आध्यात्मिक गतिविधिप्रति आकर्षण बढ्न सक्छ । काममा कूटनीतिक सोच अपनाउँदा सफलता हात पर्नेछ।

मीन- आम्दानीका नयाँ स्रोत खुल्न सक्छन् । नयाँ योजना वा परियोजना सुरु गर्न दिन अनुकूल छ । जोखिमपूर्ण आर्थिक कारोबारबाट भने टाढा रहनु राम्रो हुनेछ । परिवार तथा माइतीपक्षसँग भेटघाट वा सम्पर्क हुने सम्भावना छ ।