सक्छौ सडकबाट उचाली………………..

सक्छौ सडकबाट उचाली धरहरामा राखिदेउ !

म निडर नै हुँ चाहे तिमी कठघरामा राखिदेउ !!

मलाई आँखामा पट्टी बाँधी शहरमा बस्नू छैन
बिन्ती छ मलाई मेरै कुना कन्दरामा राखिदेउ !

यहाँ गजलमा दिनहुँ विवाद बढ्दैछ प्रियतमा
मक्तामा तिमी बसेर, मलाई मिसरामा राखिदेउ !

जसरी होमिन्छन पुतली बत्तीमा अन्त मरेपनि
तिमी फूल हौ तिम्रो जिन्दगी भमरामा राखिदेउ !

भर्खर छोराले डिग्री सिद्दायो बाले जिन्दगी पढे
आमा भन्छिन् मलाई अब कखरामा राखिदेउ !