आज फागुन ०३ गते आइतबार,यस्तो छ तपाईको राशिफल

मेष- आम्दानी बिगार्नेहरू सक्रिय हुन सक्छन् । श्रमको उचित मूल्य नपाइन सक्छ र सोचेभन्दा कम फाइदा मिल्ने सम्भावना छ। भौतिक साधन जुट्नाले दिगो लाभ दिने काम प्रारम्भ हुन सक्छ। व्यवसायमा आम्दानी बढ्ने संकेत देखिन्छ। ईर्ष्यालु व्यक्तिहरूले दुःख दिन सक्ने भएकाले सचेत रहनुहोला।

वृष- आजको लाभांश सुरक्षित वा सञ्चित नहुन सक्छ । सर सापटमा धन खर्च हुने योग छ । भौतिक साधन जुट्नेछ र आम्दानी बढाउने काम सुरु गर्न सकिनेछ। आयआर्जन राम्रै हुनेछ। अवसर प्राप्त भएपनि अरूको भर परेमा धोका हुन सक्छ । सरल जीवनशैलीले धेरैको मन जित्नेछ।

मिथुन- एउटै कामबाट दोहोरो लाभ मिल्नेछ । धार्मिक तथा मंगलमय कार्य सम्पन्न हुन सक्छन्। प्रतिभाको कदर हुनेछ र बौद्धिक प्रतिस्पर्धामा सफलता मिल्नेछ। दिगो आम्दानीको स्रोत सुरु गर्ने अवसर प्राप्त हुनेछ । प्रतिष्ठित कामबाट प्रशंसा पाइनेछ।

कर्कट- व्यवसायमा प्रशस्त लाभ हुनेछ । भाग्योन्नतिको समय छ । धेरैको हित हुने काम सुरु गर्न सकिनेछ । अरूको भर पर्दा धोका हुन सक्छ, त्यसैले सावधानी अपनाउनु होला । मान्यजनसँग असमझदारी बढ्न सक्छ । पुराना उपलब्धिले अध्ययनमा उत्साह थप्नेछ । सहयोगीहरूबाट फाइदा हुनेछ।

सिंह- अवसर आएपनि पूर्ण लाभ लिन नसकिएला । ठूलो प्रयासपछि सामान्य फाइदा मात्र मिल्ने संकेत छ । हठी स्वभावले समस्या निम्त्याउन सक्छ । अरूको सुझावमा पूर्ण रूपमा निर्भर नहुनुहोला । सामान्य मनमुटावको सम्भावना छ। कामको बोझ बढ्न सक्छ।

कन्या- आफ्नै कमजोरीले विवादमा पर्ने सम्भावना छ, सचेत रहनुहोला । प्रतिस्पर्धामा केही कमजोर देखिन सकिन्छ । महत्वाकांक्षी योजना तत्काल सार्वजनिक नगर्नु उचित हुनेछ । परिवारजनको सहयोग लाभदायी हुनेछ। सामान्य कामबाट पनि राम्रो उपलब्धि हासिल गर्न सकिनेछ । मान सम्मान प्राप्त हुनेछ।

तुला- गरिएका कामबाट धेरैलाई फाइदा पुग्नेछ। सामाजिक क्षेत्रमा सक्रियता बढ्नेछ । कामबाट फुर्सद मिल्नेछ र अतिथिका रूपमा सम्मान पाइने सम्भावना छ। रोकिएका काम पुनः प्रयास गर्दा सफल हुन सक्छन्।

वृश्चिक- आश्वासन दिएर झुक्याउनेहरूबाट सतर्क रहनुहोला । बन्ने निश्चित भएको काम अचानक बिग्रन सक्छ । व्यापार व्यवसायमा लाभ हुनेछ। विस्तारका लागि यात्रा गर्ने अवसर मिल्नेछ । मान सम्मान तथा विशेष उपहार प्राप्त हुने योग छ।

धनु- स्वास्थ्य कमजोर रहनाले जोस जाँगरमा कमी आउनेछ । अध्ययनमा ध्यान दिन गाह्रो पर्न सक्छ। न्यून उपलब्धिका लागि धेरै मेहनत गर्नुपर्नेछ । नयाँ काम सुरु गर्न केही समय पर्खनु राम्रो हुनेछ । अनपेक्षित स्थानमा धनहानि हुन सक्छ।

मकर- कामबाट अरूलाई प्रभावित पारेर लाभ लिन सकिनेछ । कीर्तिमानी कार्य सम्पन्न हुन सक्छ। प्रतिस्पर्धा सामना गर्नुपर्ने समय छ । शत्रु पक्ष सक्रिय हुन सक्छ। नयाँ काम सुरु गर्ने अवसर छ । प्रेम प्रस्ताव वा विशेष उपहार प्राप्त हुने सम्भावना छ।

कुम्भ- आशा मारेको काम बन्नाले उत्साह बढ्नेछ । सानो प्रयासले ठूलो उपलब्धि मिल्नेछ । लगनशीलताले सफलता दिलाउनेछ। चिताएका काम क्रमशः पूरा हुनेछन् । मिठो वाणीले प्रभाव जमाउन सकिनेछ । व्यवसायमा लगानी बढाउने अवसर प्राप्त हुनेछ।

मीन- आफन्तसँग केही दूरी बढ्न सक्छ । वैदेशिक क्षेत्रबाट सामान्य लाभ मिल्नेछ। पढाइ लेखाइमा मध्यम प्रगति हुनेछ। सेवामूलक कार्यबाट धन लाभ हुनेछ । सन्तान वा सहयोगी मार्फत काम बन्नेछ । लामो यात्राको अवसर जुट्न सक्छ।